३ मंसिर २०८१, सोमबार
२०७६ फाल्गुन १४ गते, बुधबार १६:०७ मा प्रकाशित
पूर्वप्रधानमन्त्री तथा समाजवादी पार्टी नेपालका संघीय परिषद अध्यक्ष बाबुराम भट्टराईले नेताहरुको सम्पत्ति छानबिन गर्नुपर्ने बताएका छन् ।
उनले प्रतिनिधिसभाको वुधबारको बैठकमा आफूलगायत नेताको सम्पत्ति छानबिन गर्नुपर्ने बताएका हुन् ।
नेताहरुको काठमाडौँमा महल कसरी ठडियो भन्नेबारे छानबिन हुनुपर्ने उनको तर्क थियो ।
‘मलगायत सबैको सम्पत्ति छानबिन गरौँ,’ भट्टराईले भने, ‘हिजो हामी त साथीहरूले दिएको जडौडी लुगा, चप्पल लगाएर हिड्थ्यौं। अहिले हामी कसरी सुटेटबुटेट भएका छौँ । कसरी चिल्ला कार चढेर हिडेका छौँ ।’
उनले आफू गणितमा चासो राख्ने र अर्थमन्त्रीसमेत भइसकेको व्यक्ति भएकोले जसरी हिसाब गर्दा पनि बाहिर देखिने सम्पत्तिले मात्रै नेताले काठमाडौँमा महल ठड्याउन नसक्ने बताए ।
त्यस्तै उनले भने, ‘कतिपय मान्छेले सरकारका दुई वर्ष खेर गयो भनेका पनि छन् तर मान्छेपिच्छे हेराइ त फरक पर्छ नै ।’
भट्टराईले आफू प्रधानमन्त्री हुँदा मातातीर्थ, महादेवस्थान, सतुंगललगायत ठाउँमा मोहीले कमाइरहेका जग्गा दर्ता गर्ने निर्णय भएको पनि उल्लेख गरे ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
