३ मंसिर २०८१, सोमबार
२०७७ बैशाख १२ गते, शुक्रबार १३:४३ मा प्रकाशित
सरकारले सोमबार जारी गरेका दुवै अध्यादेश फिर्ता लिने निर्णय गरेको छ ।
शुक्रबार दिउँसो प्रधानमन्त्री निवास बालुवाटारमा बसेको बैठकले दुबै अध्यादेश फिर्ता लिने निर्णय गरेको एक मन्त्रीले बताए । अध्यादेश फिर्ता लिनका लागि सरकारले राष्ट्रपतिलाई सिफारिस गर्ने छ ।
सरकारको सिफारिसमा राष्ट्रपति विद्यादेवी भण्डारीले सोमबार साँझ राजनीतिक दल विभाजन गर्दा केन्द्रीय समिति वा संसदीय दलमा ४० प्रतिशत सदस्य भए पुग्ने र संवैधानिक परिषद्को गणपूरक संख्या घटाउने व्यवस्थासहितका दुई अध्यादेश जारी गरेकी थिइन् ।
तर अध्यादेशको चौतर्फी विरोध भएसपछि सरकार संकटमा परेको थियो ।
नेकपाभित्रै असन्तुष्टि चुलिएको थियो भने विहीबार साँझ नेकपा अध्यक्ष पुष्पकमल दाहाल ‘प्रचण्ड’ सहित ६ जना सचिवालय सदस्यको बैठकले अध्यादेश फिर्ता लिनु पर्ने निष्कर्ष निकालेको थियो।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
