होमल्याण्ड खबर
२०७७ असार २६ गते, शुक्रबार २०:२४ मा प्रकाशित
एजेन्सी : यूईएफए च्याम्पियन्स लिग अन्तर्गत जारी सिजनका बाँकी खेलहरुको खेल तालिका सार्वजनिक भएको छ । निर्धारण गर्न शुक्रबार स्विटजरल्यान्डस्थित यूईएफएको मुख्यालयमा भएको समारोहले आज सार्वजनिक गरेको छ ।
कोरोनाले च्याम्पियन्स लिग स्थगित हुनुअघि नै ४ टोलीले क्वाटरफाइनलमा स्थान पक्का गरिसकेका छन् । एटलान्टाले भ्यालेन्सियालाई पराजित गर्दै अन्तिम ८ मा स्थान पक्का गरेको थियो । इंग्लिस टोली टोटेनहम हट्सपर आरबी लाइप्जिगसँग पराजित हुँदा साविक विजेता लिभरपुल एटलेटिको म्याड्रिडसँग पराजित भएको थियो । पेरिस सेन्ट जर्मेनले बोरुसिया डर्टमुन्डलाई हराउँदै अगाडी बढेको थियो ।
राउन्ड अफ १६ मा अझैपनि ४ खेल बाँकी रहेको छ । चेल्सीले पहिलो लेगमा बायर्नसँग ३-० को हार बेहोरेको थियो । नेपोलीले घरेलु मैदानमा खेल्दा बार्सिलोना नेपोलीसँग पहिलो लेगमा खेलेको १-१ को बराबरीलाई सुधार्ने प्रयास गर्नेछ । रियल म्याड्रिड घरेलु मैदानमा म्यानचेस्टर सिटीसँग भोगेको २-१ को हारको बदला लिने सुरमा हुनेछ । लियोन पहिलो लेगमा १-० को जित दर्ता गरेपछि दोस्रो लेगमा कम्तिमा त्यसलाई बचाउन तत्पट हुनेछ ।
क्वाटरफाइनलका खेलहरु – रियल म्याड्रिड वा म्यानचेस्टर सिटी र लियोन वा युभेन्टस,आरबी लाइप्जिग भर्सेस एटलेटिको म्याड्रिड ,नेपोली वा बार्सिलोना र बायर्न म्युनिख वा चेल्सी, एटलान्टा र पेरिस सेन्ट जर्मनी
क्वाटरफाइनल चरणदेखि सबै खेल पोर्चुगलको लिस्बनमा आयोजना हुनेछ । राउन्ड अफ १६ का खेल भने सम्बन्धित क्लबहरुले एक आपसमा छलफल गरेर तय गर्नेछन् । सबै खेल एक लेगको हुने भएकाले खेल बराबरीमा भए अतिरिक्त समय र त्यसपछि टाइब्रेकरमा पुग्नेछ ।
