कोरोना नियन्त्रणमा विशेष रणनीति बनाउन प्रधानमन्त्रीलाई सभापति देउवाको सुझाव

होमल्याण्ड खबर

२०७७ श्रावण ८ गते, बिहीबार १७:४० मा प्रकाशित

काठमाडौं । नेपाली कांग्रेसका सभापति शेरबहादुर देउवाले लकडाउन खुलेपछि कोरोना संक्रमण नियन्त्रणका लागि विशेष रणनीति तय गर्न प्रधानमन्त्री केपी शर्मा ओलीको ध्यानाकर्षण गराउनुभएको छ ।  बिहीबार प्रधानमन्त्री ओलीलाई भेटेर देउवाले १ सय २० दिने लामो लकडाउन खुलेपछिको अवस्था र बाढीपहिरोका विषयमा सरकारको ध्यानाकर्षण गराउनुभएको हो ।

लकडाउनका बावजुद संक्रमितको संख्या २० हजार पुग्न लागेको र ३ दर्जन बढीको मृत्यु भएकाले विशेष रणनीति तयार गर्न सभापति देउवाले आग्रह गर्नुभयो । स्वास्थ्य परीक्षण पिसीआर बिधिबाट गर्न, क्वारेन्टाइन मापदण्डयुक्त बनाउन देउवाले प्रधानमन्त्रीको ध्यानाकर्षण गराउनुभएको नेपाली कांग्रेसले जनाएको छ ।

त्यसैगरी देउवाले विदेशमा अप्ठ्यारोमा परेका नेपालीलाई उद्धार गर्ने कार्यमा तीब्रता दिन, बाढी, पहिरो पीडितलाई उद्धार, राहत र पुनर्स्थापना  कार्य यद्धस्तरमा गर्न प्रधानमन्त्री ओलीसँग आग्रह गर्नुभयो । सरकारका कार्यबाट असन्तुष्ट भएर गरिएको आन्दोलनका माग सुन्न पनि उहाँले प्रधानमन्त्री ओलीको ध्यानाकर्षण गराउनुभयो

सम्बन्धित खबर

ढुंगानाको निधनमा एमालेद्वारा दुःख व्यक्त

ढुंगानाको निधनमा कांग्रेसको शोक, भोलि केन्द्रीय कार्यालय बन्द

प्रधानमन्त्रीद्वारा पूर्वसभामुख ढुङ्गानाप्रति श्रद्धाञ्जलि अर्पण

प्रदूषणले भारतको राजधानीका विद्यालय बन्द, अनलाइन कक्षा सुरु

आज तोलामा १ हजार रुपयाँले बढ्यो सुनको मुल्य

बाइडेनद्वारा युक्रेनलाई रुसभित्र मिसाइलहरू प्रहार गर्न अनुमति