‘इनफ इज इनफ’का अभियन्तासंग भेट्दै वरिष्ठ नेता पौडेलले भने सरकार साच्चै नै अटेरी सरकार हो

होमल्याण्ड खबर

२०७७ श्रावण १८ गते, आईतवार १८:२८ मा प्रकाशित

काठमाडौं, नेपाली कांग्रेसका वरिष्ठ नेता रामचन्द्र पौडेलले कोरोना भाइरसको रोकथामका लागि प्रभावकारी कदम चाल्न माग गर्दै अनसनमा बसेका इनफ इज इनफ अभियानका अभियान्ता ‘ई’ सँग भेट गरेका छन् । पार्टीका केन्द्रीय सदस्य दिलेन्द्रप्रसाद बडूका साथ सत्याग्रह स्थल बसन्तपुर पुगेर आइतबार दिउँसो वरिष्ठ नेता पौडेलले ‘ई’ सँग भेट गरेका हुन् । भेटमा पौडेलले मुलुकमा देखिएका सम्पूर्ण समस्याको जड भ्रष्टाचार भएको बताए ।

उनले पार्टी नेकपा नेतृत्वको सरकारले जनताको स्वास्थ्यसंग खेलवाड गरेको भन्दै सरकारको हेलचेक्राई विरुद्ध अभियानमा जुटेका युवाहरुको अभियानका आफु र आफ्नो पार्टीको साथ रहेको बताए । नेता पौडेलले सरकारलाई अटेरी सरकारको संज्ञा दिदै उनले पीसीआरको दायरा बढाउन र क्वारेन्टाइन व्यवस्थित गर्न माग गर्दै अभियन्ताहरु अनसन बस्नु दुर्भाग्यपूर्ण भएको पनि बताए ।

पौडेलले भने–‘जनताको स्वास्थ्यसंग जोडिएको सामान्य विषयमा अनसन बस्दा पनि नसुन्ने भनेको सरकार साच्चै नै अटेरी सरकार हो । पीसीआरको दायरा बढाउ, क्वारेन्टाइन व्यवस्थित होस भनेको छ । अति नै सामान्य र अति नै आवश्यक मागहरु लिएर उहाँहरु अनसन बस्नुनै दुर्भाग्यपूर्ण कुरा हो ।’

उनले अनसनमा बसेका अनशनकारीको माग सम्बोधनका लागि राज्यले ध्यान नदिएर सरकारले गरिरहेको बेवास्ताप्रति आपत्ति जनाए । पौडेलले १६–१६ दिनसम्म अनशन बस्दा पनि माग सम्बोधन नगर्नु सरकारको चरम लापरवाही भएको बताए ।
अभियन्ता ‘ई’ विगत १६ दिनदेखि दोस्रो पटक सत्याग्रहमा बसेका छन् । यसअघि उनी पहिलो पटक ललितपुरको पटनस्थित कृष्ण ’मन्दिरमा सत्याग्रहमा बसेका थिए ।

सम्बन्धित खबर

ढुंगानाको निधनमा एमालेद्वारा दुःख व्यक्त

ढुंगानाको निधनमा कांग्रेसको शोक, भोलि केन्द्रीय कार्यालय बन्द

प्रधानमन्त्रीद्वारा पूर्वसभामुख ढुङ्गानाप्रति श्रद्धाञ्जलि अर्पण

प्रदूषणले भारतको राजधानीका विद्यालय बन्द, अनलाइन कक्षा सुरु

आज तोलामा १ हजार रुपयाँले बढ्यो सुनको मुल्य

बाइडेनद्वारा युक्रेनलाई रुसभित्र मिसाइलहरू प्रहार गर्न अनुमति