अध्यक्ष दाहाललाई उपाध्यक्ष गौतमको स्पष्टोक्ति : म ठूलो-सानो गुटमा लाग्दिनँ

होमल्याण्ड खबर

२०७७ श्रावण २१ गते, बुधबार १४:१२ मा प्रकाशित

काठमाडौं– सत्तारुढ नेपाल कम्युनिस्ट पार्टी (नेकपा)का उपाध्यक्ष वामदेव गौतमले आफू ठूलो-सानो कुनै गुटमा नलाग्ने स्पष्ट पारेका छन्। मंगलबार पार्टी अध्यक्ष पुष्पकमल दाहालसँगको भेटमा उनले कुनै गुटमा नलाग्ने स्पष्ट पारेको गौतमका सहयोगी विश्वमणि सुवेदीले जानकारी गराएका छन्।

‘२० गते पार्टीका अर्का अध्यक्ष क. प्रचण्ड उपाध्यक्षलाई भेट्न जानुहुँदा उपाध्यक्ष क. वामदेवले आफू कुनै निश्चित नेता वा विचार समूहको पक्षमा नभई पार्टी एकताप्रति दृढ रहेको स्पष्ट पार्नुभयो’, सुवेदीले फेसबुकमा लेखेका छन्, ‘क. प्रचण्डले ‘अब तपाईं के गर्नुहुन्छ?’ भनी सोध्नुभयो। उपाध्यक्ष क. वामदेव गौतमले ‘म ठूलो–सानो कुनै पनि गुटमा लाग्दिनँ’ भनि अध्यक्ष क.प्रचण्डलाई बिदा गर्नुभयो।‘

गौतमले गत साउन १३ गते पार्टी विग्रह रोक्न भन्दै ६ बुँदे प्रस्ताव अघि सारेका थिए। केपी ओलीले गौतमलाई सोही दिन साँझ उनको निवास भैंसेपाटीमै पुगेर भेटेका थिए भने प्रचण्ड पनि मंगलबार भैंसेपाटी नै पुगेका थिए।

भेटमा प्रचण्डले गौतमसँग पार्टीसँग सम्बन्धित केही समसामयिक विषयमा संक्षिप्त कुराकानी गरेको सुवेदीले बताएका छन्।

सम्बन्धित खबर

ढुंगानाको निधनमा एमालेद्वारा दुःख व्यक्त

ढुंगानाको निधनमा कांग्रेसको शोक, भोलि केन्द्रीय कार्यालय बन्द

प्रधानमन्त्रीद्वारा पूर्वसभामुख ढुङ्गानाप्रति श्रद्धाञ्जलि अर्पण

प्रदूषणले भारतको राजधानीका विद्यालय बन्द, अनलाइन कक्षा सुरु

आज तोलामा १ हजार रुपयाँले बढ्यो सुनको मुल्य

बाइडेनद्वारा युक्रेनलाई रुसभित्र मिसाइलहरू प्रहार गर्न अनुमति