युरोप लिग – सेभिल्ला र साख्तर सेमिफाइनलमा प्रवेश

एजेन्सी ! युक्रेनी क्लब साख्तर डोनेक्स युरोपा लिगको सेमिफाइनलमा प्रवेश गरेको छ । बसेलमाथि ४–१ को सहज जित निकाल्दै साख्तरले अन्तिम चारमा स्थान पक्का गरेको हो ।

मंगलबार राति भएको खेलमा साख्तरको फराकिलो जितमा जुनियर मोराइस, टाइसन, एलन प्याट्रिक र डुडुले गोल गरे । बसेलका रिक्की भान वल्सविन्केलले सान्त्वना गोल फर्काए । अब साख्तरले फाइनल प्रवेशका लागि इटालियन क्लब इन्टर मिलानसँग प्रतिस्पर्धा गर्नेछ । इन्टर मिलानले जर्मन क्लब बायर लिभरकुसनमाथि २-१ को जित निकालेको थियो ।

यता अर्को क्वाटरफाइनलको खेलमा सेभियाले वोल्भरहम्पटनलाई १-० गोल अन्तरले पराजित गर्दै युरोपा लिगको सेमिफाइनलमा पुगेको हो ।

सेभियाको जितमा खेलको ८८औ मिनेटमा लुकास ओकाम्पोसले निर्णायक गोल गरेका थिए । यसअघि वोल्भसका राउल जिमेनेजले खेलको १३औ मिनेटमा पाएको पेनाल्टी मिस गरेपछि वोल्भ्सले गोल गर्ने अवसर गुमाएको थियो ।