ओली–प्रचण्ड छलफल सकियो , मन्त्रिमण्डल पुनर्गठन विषयमा जुटेन सहमति

होमल्याण्ड खबर

२०७७ आश्विन ११ गते, आईतवार १४:२१ मा प्रकाशित

काठमाडाैं। प्रधानमन्त्री केपी शर्मा ओली र नेकपा अध्यक्ष पुष्पकमल दाहाल प्रचण्डबीचको भेटवार्ता सकिएको छ। बालुवाटारमा भएको उक्त छलफल मन्त्रिमण्डल पुनर्गठनका विषयमा केन्द्रित रहेको भए पनि कुनै ठोस सहमति नभएको बताइएको छ।

अध्यक्ष प्रचण्डका प्रेस सहयोगी विष्णु सापकोटा जुगलले आजको छलफलमा कुनै सहमति भएको जानकारी दिए। उनले भने, ‘मन्त्रिमण्डल पुनर्गठन, पार्टी एकता लगायतका विषयमा छलफल भए पनि कुनै पनि विषयमा सहमति भएको छैन । छलफललाई निरन्तरता दिने भन्ने भएको छ।’

आइतबार मध्यान्ह १२ बजेका लागि मन्त्रिपरिषद्को बैठक बोलाएका प्रधानमन्त्री ओलीले त्यसअघि अध्यक्ष प्रचण्डसँग भेटवार्ता गरेका हुन्।

दुई अध्यक्षबीच सहमति नभएपछि मन्त्रिपरिषद पुनर्गठनको आजै नहुने भएको छ। प्रधानमन्त्री ओलीले आजै मन्त्रिपरिषद पुनर्गठन गर्ने विषयमा कुनै जानकारी नगराएको अध्यक्ष प्रचण्डले जानकारी दिएको सापकोटाले बताए।

यसअघि बिहीबार, शुक्रबार र शनिबार गरी तीन दिन मन्त्रिमण्डल पुनर्गठनका विषयमा लगातार छलफल भए पनि कुन मोडेलमा गर्ने भन्ने विषयमा सहमति जुटेको थिएन। सोही विषयमा आज थप छलफल भए पनि आज पनि सहमति नजुटेको हो।

सम्बन्धित खबर

ढुंगानाको निधनमा एमालेद्वारा दुःख व्यक्त

ढुंगानाको निधनमा कांग्रेसको शोक, भोलि केन्द्रीय कार्यालय बन्द

प्रधानमन्त्रीद्वारा पूर्वसभामुख ढुङ्गानाप्रति श्रद्धाञ्जलि अर्पण

प्रदूषणले भारतको राजधानीका विद्यालय बन्द, अनलाइन कक्षा सुरु

आज तोलामा १ हजार रुपयाँले बढ्यो सुनको मुल्य

बाइडेनद्वारा युक्रेनलाई रुसभित्र मिसाइलहरू प्रहार गर्न अनुमति