३ मंसिर २०८१, सोमबार
२०७७ आश्विन १२ गते, सोमबार १२:१६ मा प्रकाशित
काठमाडौं : नेपालको अतिक्रमित भूमि फिर्ताको माग गर्दै नेपाल विद्यार्थी संघका नेता,कार्यकर्ताहरुले चिनियाँ दूतावास अगाडी प्रदर्शन गरेका छन् । नेविसंघका पूर्वमहामन्त्री कुन्दनराज काफ्लेको नेतृत्वमा भएको प्रदर्शनमा ६ जना गिरफ्तार भएका छन् ।
सो क्रममा नेपाल विद्यार्थी संघका नेता नवराज त्रिपाठी सहित ६ विद्यार्थी नेता चिनियाँ दूतावास अगाडीबाट पक्राउ परेको अर्का प्रदर्शनकारी मनिष सिँखडाले जानकारी दिए । आन्दोलनमा नेविसंघका नेताहरु नवराज त्रिपाठी,प्रनिल तामाङ,सुवोध ओलि,विन्दा बोगटी,अर्बत खड्का,दिपेन्द्र खड्कालाई प्रहरीले पक्राउ गरेको छ । उनीहरुलाई बिना शर्त रिहाइ गर्न काफ्लेले माग गरेका छन् । उनीहरु सबै चिनौं सिमाना जोगषऔं माटो अभियानसँग समेत सम्बन्धित छन् । नेपालले लिपुलेकसहित समेटेर नयाँ नक्सा सार्वजनिक गरेपछि त्रिपाठी संयोजक रहेको यो अभियानले विभिन्न स्कुल,कलेजमा नेपालको नयाँ नक्सा बनाउन सिकाएको थियो भने वसन्तपुरमा वृहत कार्यक्रम आयोजना गरेको थियो ।
हुम्ला जिल्लाको नाम्खा गा पा- ६ लिमिलाप्चामा मिचिएको नेपाली भुमि फिर्ताको लागि चिनियाँ दुतावास अगाडि प्रदर्शन गरेका हुन् ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
