४ मंसिर २०८१, मंगलवार
२०७७ मंसिर २८ गते, आईतवार १७:०१ मा प्रकाशित
सत्तारुढ दल नेपाल कम्युनिष्ट पार्टी (नेकपा)को स्थायी कमिटी बैठक पुष १ गते सम्मका लागि स्थगित भएको छ । प्रधानमन्त्रीको सरकारी निवास बालुवाटारमा बसेको बैठले केन्द्रीय सदस्य कमानसिंह लामाको निधनमा शोक-प्रस्ताव पारित गर्दै पुष १ गते सम्मका लागि बैठक स्थगित गर्ने निर्णय गरेको हो ।
बैठक पछि पत्रकारहरुसँग संक्षिप्त कुराकानी गर्दै नेकपा प्रवक्ता नारायणकाजी श्रेष्ठले शोक-प्रस्ताव पारित गरेर बैठक स्थगित भएको बताए । बैठकमा अध्यक्ष पुस्पकमल दाहाल प्रचण्डले लामा र हाइड्रोपावर प्रोजेक्टसँग सम्बन्धित समान्य विवादमा पार्टीका प्रवक्तालाई अनावस्यक रुपमा मुछेर प्रचार गरिएको भन्दै भ्रममा नपर्न आग्रह गरेकाे प्रवक्ता श्रेष्ठले बताए ।
‘पार्टीको स्थायी कमिटीको बैठकमा २५ गते हाम्रो पार्टीको केन्द्रीय कमिटीका सदस्य एवं पूर्व सांसद तथा राजदूत कमानसिंह लामाको दुखद निधन भएकोमा बैठकले गहिरो शोक व्यक्त गर्यो । नेपालको कम्युनिष्ट आन्दोलन, नेपालको लोकतान्त्रिक आन्दोलनमा सानो उमेर देखिनै निरन्तर संघर्षरत लामाको योगदानलाई स्मरण गर्दै उहाँप्रति भावपूर्ण श्रदान्जली गर्यो र शोकसंतप्त परिवारजनमा समवेदना व्यक्त गर्यो । आजकै बैठकमा अध्यक्ष प्रचण्डले लामाको निधनबाट शोकाकुल र दुखित रहेको यस घडिमा लामा र हाइड्रोपावर प्रोजेक्टसँग सम्बन्धित समान्य विवादमा पार्टीका प्रवक्तालाई अनावश्यक रुपमा मुछेर जुन प्रचार भएको छ त्यो प्रचारको भ्रममा नपर्न र त्यस्तो प्रचारमा नलाग्न पनि अनुरोध गर्नुभएको छ । बैठकलाई उहाँले आफुले समेत लामा र सम्बन्धित हाइड्रोपावर प्राजेक्टको व्यक्तिलाई सँगै राखेर पनि कुरा गरेको र प्रवक्ताले तपाईहरु सबै आफ्नै साथीहरु भएकोले मिल्नुहोस भन्ने बाहेक अरु कुनैपनि कुरा नभएकोले त्यस प्रकारको भ्रममा नपर्न पनि अनुरोध गर्नुभयो । त्यसपस्चात आजको बैठक पुष १ गते १ बजे बस्नेगरी स्थगित भएको छ ।’, उनले भने ।
शोक प्रस्ताव पारित भएपछि बैठक नियमित कार्यसूचीमा प्रवेश नगरी पुष १ गते बस्नेगरी स्थगित भएको प्रवक्ता श्रेष्ठले बताए ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
