४ मंसिर २०८१, मंगलवार
२०७७ पुष १० गते, शुक्रबार १५:३५ मा प्रकाशित
नेपाल कम्युनिस्ट पार्टी (नेकपा) प्रचण्ड नेपाल समूहका अध्यक्ष माधवकुमार नेपालले प्रधानमन्त्री केपी शर्मा ओली गणतन्त्र र संघीयता विरोधी भएको आरोप लगाएका छन् । आफ्नो समूहको पत्रकार सम्मेलनमा बोल्दै नेता नेपालले अहिले ओली नेपालको कम्युनिस्ट आन्दोलनलाई कमजोर बनाउने अभ्यासमा जुटेको बताए । उनले भने, ‘केपी ओली गणतन्त्र र संघीयता विरोधी हो । उहाँ अहिले कम्युनिस्ट आन्दोलनलाई कमजोर पार्दै हुनुहुन्छ । कुनदिन कम्युनिस्ट आन्दोलनलाई नै ध्वस्त पार्नुहुनेछ ।’
ओलीसँगको सम्बन्ध एकदुई वर्षको नभई ४९ वर्षको रहेको भन्दै नेता नेपालले ओलीलाई नजिकबाट चिनेको बताए । उनले भने, ‘ओलीलाई बैठक छलफलसँग एलर्जी छ । त्यो भनेको तानाशाही प्रवृत्ति हो । उहाँलाई मनपर्ने एकटै शब्द केपी बा हो । जसले केपी बा भन्दै उहाँप्रति समर्पित हुन्छ त्यो मात्र उहाँको नजिक हुन्छ ।’ नेता नेपालले नेकपा आफूहरुको हुने बताए ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
