४ मंसिर २०८१, मंगलवार
२०७७ पुष १४ गते, मंगलवार ११:३४ मा प्रकाशित
काठमाडौं: सत्तारुढ दल नेपाल कम्युनिस्ट पार्टीकाे आन्तरिक विवादमा चासाे दिँदै नेपाल भ्रमणमा आएकाे चिनियाँ कम्युनिस्ट पार्टीकाे टाेली प्रमुख प्रतिपक्षी दल नेपाली कांग्रेसका सभापति शेरबहादुर देउवालाई भेट्न उनकाे निवास पुगेकाे छ ।
चिनियाँ टाेली देउवा निवास बुढानिलकण्ठ पुगेर उनीसँग भेटवार्ता गरिरहेको देउवाकाे सचिवालयले जानकारी दिएकाे छ ।
चिनियाँ कम्युनिस्ट पार्टीको अन्तराष्ट्रिय विभागका उपमन्त्री गुओ येचौ नेतृत्वको टोली नेपाली राजनीतिमा देखा परेकाे विवादबारे प्रतिपक्षी कांग्रेसकाे धारणा बुझ्न देउवासँग भेट्न पुगेकाे बताइएकाे छ ।
आइतबार विशेष विमानबाट नेपाल आएकाे साे टाेलीले यसअघि राष्ट्रपति विद्यादेवी भण्डारी, प्रधानमन्त्री केपी शर्मा ओली, नेकपा अध्यक्ष पुष्पकमल दाहाल प्रचण्ड र माधवकुमार नेपाल एवं जनता समाजवादी पार्टी जसपाका संघीय परिषद् अध्यक्ष डाक्टर बाबुराम भट्टराईसँग भेट गरिसकेको छ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
