दाहाल-नेपालकाे प्रेम चलचित्रमा देखाइने कथा जस्ताे छ : प्रधानमन्त्री ओली

होमल्याण्ड खबर

२०७७ माघ ८ गते, बिहीबार १५:२४ मा प्रकाशित

प्रधानमन्त्री केपी शर्मा ओलीले नेकपाकाे अर्काे खेमा प्रचण्ड-नेपाल समूहले सिनेमा देखाइरहेकाे आराेप लगाएका छन् ।

प्रेस संगठन नेपाल (ओली समूह) को भेलालाई काठमाडौंमा सम्बोधन गर्दै उनले पुष्पकमल दाहाल प्रचण्ड र माधवकुमार नेपालबीचकाे प्रेम चलचित्रमा देखाइने कथा जस्तै भएकाे बताए ।

प्रचण्ड-नेपालले हुँदै नभएको प्रेमलाई पनि औधी प्रेम भए जस्तो देखाइरहेकाे उनकाे भनाइ थियाे ।

‘सिनेमामा के हुन्छ ? हिरो हुन्छ । हिरोइन हुन्छ, लभ पर्‍या छ, हिरोइन घाइते हुन्छे, हिरो व्याकुल पर्छ । तर केही पनि होइन,’ ओलीले भने, ‘नाटक गर्‍या हुन् । केही पनि होइन । जनतालाई झुक्याउँछन् । हामीले सचेत गराउनुपर्छ ।’

आफूले सुशासन र समृद्धिको अभियान चलाउँदा प्रचण्ड–माधव नेपाललाई नपचेको पनि उनले बताए ।

प्रधानमन्त्री ओलीले पेरिसडाँडामा बसेर कालो झण्डा उडाउने र सडकमा कालो झण्डा देखाउने नेकपा नभएकाे बताए । ‘हामी पेरिसडाँडामा बसेर कालो झण्डा उडाउनेहरु मध्ये होइनौं । हामी सडकमा कालो झण्डा देखाउनेहरु होइनौँ,’ उनले भने, ‘हामी रातो झण्डा फहराउने हौं ।’

सम्बन्धित खबर

सुनको मुल्य तोलाको दुई हजारले बढ्यो

सुर्खेतमा १६ वर्षीया किशोरीको बलात्कारपछि हत्या, चार जना पक्राउ

रास्वपाले कटायो समानुपातिकमा ५० लाख, अन्य दलको कति?

गोरखा- १ मा सुधन गुरुङको दोब्बर मतको अग्रता कायमै

जाँचबुझ आयोगले सरकारलाई प्रतिवेदन बुझायो

विजयी र्‍याली नमनाउन रास्वपाको अपिल