प्रधानमन्त्रीको पक्षका वकिलले धेरै समय लिएपछि रिसाए प्रधानन्यायाधीश जवरा

होमल्याण्ड खबर

२०७७ माघ २६ गते, सोमबार १२:५९ मा प्रकाशित

प्रतिनिधसभा विघटनविरूद्धको रिटमा आज पनि सुनुवाइ जारी छ । प्रधानमन्त्री केपी शर्मा ओलीका तर्फबाट आजको बहस सुरू गरेका ईश्वरी भट्टराईले आधा घण्टाभन्दा धेरै समय लिएपछि प्रधानन्यायाधी चोलेन्द्र शमशेर जबरा रिसाएका छन् । छिटो फैसला दिने उद्देश्यसहित माघ ३० भित्र बहस सक्न सरकारी पक्षलाई आग्रह गरेका जबराले १५ मिनेटको समय छुट्याएका छन् ।

तर, ३१ मिनेटमा पनि अधिवक्ता भट्टराईले बहस नसकेपछि उनले रिसाउँदै ‘हाम्रो बाध्यता बुझ्नु हुँदैन’ भन्दै प्रश्न गरेका छन् । साढे ११ मा बहस सुरु गरेका भट्टराईले ३१ मिनेटभन्दा बढी समय लिएपछि  प्रधानन्यायाधीश जबराले भने, ‘१५ मिनेट भनेको धेरै बोल्नुभयो, तपाईँको समय धेरै गइसक्यो जानुहोस् । अब छोडिदिनुहोस् न ।’

यसअघि आइतबार महान्यायाधिवक्तासहित १० सरकारी वकिलले बहस सकेपछि प्रतिनिधसभा विघटनको पक्षमा बहस गर्न  सरकारका पक्षबाट निजी कानुन व्यवसायीले बहस थालेका छन् ।  विघटनको पक्षमा सरकारका तर्फबाट डेढ सय बढी निजी वकिलले बहस गर्नेछन् । १३ निवेदकका पक्षबाट ७२ कानुन व्यवसायीले १३ दिन बहस गरेका थिए । प्रधानन्यायाधीश जबराको नेतृत्वमा न्यायाधीशहरू विश्वम्भरप्रसाद श्रेष्ठ, अनिलकुमार सिन्हा, सपना प्रधान मल्ल र तेजबहादुर केसीको संवैधानिक इजलासले प्रतिनिधिसभा विघटनविरूद्धको रिटको सुनुवाइ गरिरहेको छ ।

सम्बन्धित खबर

ऊर्जामन्त्री खड्का र विश्व खाद्य संगठनका प्रतिनिधिबीच भेटवार्ता

दुर्गा प्रसाईं भक्तपुरबाट पक्राउ

स्थानीय तह उपनिर्वाचन : उम्मेदवारको नामावली प्रकाशन आज

प्रधानमन्त्रीद्वारा पूर्वसभामुख ढुङ्गानाप्रति श्रद्धाञ्जलि अर्पण

मुख्यसचिव अर्यालले दिए राजीनामा

भ्रष्टाचारमा सफाइ पाएपछि योजना आयोगमा हाजिर भए वैकुण्ठ अर्याल