महिलालाई विदेश भ्रमणका क्रममा सिफारिस लिनेबारे कुनै निर्णय भएको छैन : अध्यागमन विभाग

होमल्याण्ड खबर

२०७७ माघ २९ गते, बिहीबार ११:०० मा प्रकाशित

पहिलोपटक विदेश भ्रमणमा जान चाहने महिलाले परिवारको सहमति र वडा कार्यालयको सिफारिस लिनुपर्ने गरी आन्तरिक कार्यविधि संशोधन गर्न लागिएको भन्दै आएका समाचारमा सत्य नभएको भन्दै अध्यागमन विभागले जनाएको छ । विभागले बिहीबार एक विज्ञप्ति जारी गरी समाचारमा आएजस्तो नभई खाडी र अफ्रिकी मुलुकजस्ता जोखिम सम्भाव्य मुलुकमा पहिलोपटक एक्लै यात्रा गर्ने र आफ्ना यात्राबारे सामान्य जानकारीसमेत नभएका महिलाका लागि आवश्यक पर्न सक्ने विषयमा अनौपचारिक छलफल मात्र भइरहेको विभागले जनाएको छ ।

‘यस विषयमा हालसम्म कुनै निर्णय नभएको जानकारी गराउँदै यस्ता सार्वजनिक विषयहरूमा निर्णय गर्दा संविधानप्रदत्त अधिकार, विश्वव्यापी मान्यता, आम जनताको धारणा र कार्यान्वयन सहजतासमेत हेरी नागरिको मौलिक अधिकार कुण्ठित नहुने गरी निर्णय हुने बेहोरोसमेत सम्बन्धित सबैमा जानकारी गराइन्छ’ विभागले जारी गरेको विज्ञप्तिमा भनिएको छ ।

सम्बन्धित खबर

ऊर्जामन्त्री खड्का र विश्व खाद्य संगठनका प्रतिनिधिबीच भेटवार्ता

दुर्गा प्रसाईं भक्तपुरबाट पक्राउ

स्थानीय तह उपनिर्वाचन : उम्मेदवारको नामावली प्रकाशन आज

प्रधानमन्त्रीद्वारा पूर्वसभामुख ढुङ्गानाप्रति श्रद्धाञ्जलि अर्पण

मुख्यसचिव अर्यालले दिए राजीनामा

भ्रष्टाचारमा सफाइ पाएपछि योजना आयोगमा हाजिर भए वैकुण्ठ अर्याल