प्रचण्ड माधवसँगको भेटपछि देउवाले बोलाए पदाधिकारी बैठक

होमल्याण्ड खबर

२०७७ फाल्गुन १२ गते, बुधबार १४:५६ मा प्रकाशित

नेपाली कांग्रेसका सभापति शेरबहादुर देउवाले पदाधिकारी बैठक बोलाएका छन् । मंगलबार(हिजो) सर्वोच्च अदालतले संसद पुनः स्थापना गर्ने फैसला सुनाएसँगै विकसित राजनीतिक घटनाक्रमका बारे देउवाले पार्टी पदाधिकारीसँग छलफल गर्न लागेका हुन् ।

सभापति देउवाका सहयोगी भानु देउवाले पदाधिकारी बैठक बिहीबार(भोलि) ३ बजेका लागि बोलाइएको जानकारी दिए । वरिष्ठ नेता रामचन्द्र पौडेल उपत्यका बाहिर रहेको र आज साँझसम्ममा काठमाडौं आइपुग्ने कार्यक्रम रहेपछि भोलिका लागि पदाधिकारी बैठक बोलाइएको हो ।

प्रचण्ड माधवसँग छलफल

यसैबीच सभापति देउवालाई भेट्न नेकपाको प्रचण्ड माधव समूहका अध्यक्षद्वय पुष्पकमल दाहाल प्रचण्ड र माधव नेपाल बुढानीलकण्ठ पुगेका थिए । भानु देउवाका अनुसार विकसित राजनीतिक घटनाक्रम र अब कसरी अगाडि जाने भन्नेबारे सभापति देउवासँग प्रचण्ड(नेपालको छलफल केन्द्रीत रह्यो। उनीहरुबीच पार्टीमा छलफल गरेर पुन बस्ने सहमति भएको छ ।

सम्बन्धित खबर

ऊर्जामन्त्री खड्का र विश्व खाद्य संगठनका प्रतिनिधिबीच भेटवार्ता

दुर्गा प्रसाईं भक्तपुरबाट पक्राउ

स्थानीय तह उपनिर्वाचन : उम्मेदवारको नामावली प्रकाशन आज

प्रधानमन्त्रीद्वारा पूर्वसभामुख ढुङ्गानाप्रति श्रद्धाञ्जलि अर्पण

मुख्यसचिव अर्यालले दिए राजीनामा

भ्रष्टाचारमा सफाइ पाएपछि योजना आयोगमा हाजिर भए वैकुण्ठ अर्याल