प्रचण्ड-नेपाल समूहको स्थायी कमिटी बैठक सकियो, ओलीले तत्काल राजीनामा दिए एकताको सम्भावना

होमल्याण्ड खबर

२०७७ फाल्गुन १२ गते, बुधबार १६:४२ मा प्रकाशित

सत्तारुढ दल नेकपाको प्रचण्ड नेपाल समूहको स्थायी कमिटी बैठक सम्पन्न भएको छ। पार्टी कार्यालय पेरिसडाँडामा बुधबार दिउँसो बसेको बैठकले प्रतिनिधिसभा पुनःस्थापना गर्ने सर्वोच्च अदालतको निर्णयको स्वागत गरेको छ ।

बैठकपछि नेकपा प्रवक्ता नारायाणकाजी श्रेष्ठले प्रतिगामी कदम विरुद्धको आन्दोलनमा साथ दिने सबैलाई धन्यवाद दिए । बैठकले संविधानको कार्यान्वयन, सामाजिक न्याय सहितको समृद्धिको यात्रामा सबै लोकतान्त्रिक शक्तिहरुसँग छलफल गरेर अघि बढ्ने निष्कर्ष निकालेको प्रवक्ता श्रेष्ठले जानकारी दिए ।

प्रधानमन्त्री ओलीले तत्काल राजीनामा दिँदै आत्मआलोचना गरे एकताको सम्भावना कायमै रहेको पनि नेता श्रेष्ठले बताए । ‘हामी सधै एकताको पक्षमा छौं, सर्वोच्च अदालतले आदेश दिइसकेपछि ओलीले तत्कालै राजीनामा दिनुपथ्र्यो, तर त्यस्तो छाँटकाट देखिएन।’ प्रवक्ता श्रेष्ठले भने, ‘आत्मालोचना नगरेसम्म पार्टी एकताको कुनै सम्भावना छैन।’ आजको बैठकबाट प्रचण्ड-नेपाल समूहले ओली समूहमा गएका नेता कार्यकर्तालाई मुल पार्टीमा फर्केर पुरानै जिम्मेवारी सम्हाल्न आव्हान समेत गरेको छ।

सम्बन्धित खबर

ऊर्जामन्त्री खड्का र विश्व खाद्य संगठनका प्रतिनिधिबीच भेटवार्ता

दुर्गा प्रसाईं भक्तपुरबाट पक्राउ

स्थानीय तह उपनिर्वाचन : उम्मेदवारको नामावली प्रकाशन आज

प्रधानमन्त्रीद्वारा पूर्वसभामुख ढुङ्गानाप्रति श्रद्धाञ्जलि अर्पण

मुख्यसचिव अर्यालले दिए राजीनामा

भ्रष्टाचारमा सफाइ पाएपछि योजना आयोगमा हाजिर भए वैकुण्ठ अर्याल