४ मंसिर २०८१, मंगलवार
२०७७ फाल्गुन १३ गते, बिहीबार ११:०६ मा प्रकाशित
नेकपा प्रचण्ड–नेपाल समूहका अध्यक्ष पुष्पकमल दाहाल प्रचण्ड र उपाध्यक्ष वामदेव गौतमबीच भेटवार्ता भएको छ ।
अध्यक्ष प्रचण्डलाई भेट्न उपाध्यक्ष गौतम बिहीबार बिहान खुमलटार पुगेका थिए ।
संसद पुनःस्थापनापछि उपाध्यक्ष गौतम प्रचण्डलाई एकता प्रस्ताव राख्न गएको गौतमका प्रेस संयोजक विश्वमणी सुवेदीले बताए ।
गौतमले संसद पुनःस्थापना भइसकेकाले पार्टी एक भएर जानुपर्ने बताएका थिए । उनले अर्का अध्यक्ष केपी शर्मा ओलीसँग सहकार्य गरेर अगाडि बढ्न प्रचण्डलाई सुझाव दिएका छन् । उनले सचिवालय बैठक बोलाउन पनि प्रचण्डलाई आग्रह गरेका छन् ।
अध्यक्ष प्रचण्डले भने अहिलेको अवस्थामा ओलीसँग एकता सम्भव नभएको जवाफ दिएका थिए ।
गौतमले यसअघि बुधबार पनि एक विज्ञप्ति जारी गर्दै प्रधानमन्त्रीले राजीनामा दिनुपर्ने, दुई अध्यक्षले सचिवालय बैठक बोलाउनुपर्ने माग गरेका थिए ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
