४ मंसिर २०८१, मंगलवार
२०७७ फाल्गुन १४ गते, शुक्रबार १६:२२ मा प्रकाशित
नेपाल कम्युनिस्ट पार्टी (नेकपा) को ओली समूहले संसदीय दलको प्रमुख सचेतकबाट देव गुरुङलाई हटाइएको छ । गुरुङलाई हटाइएर प्रमुख सचेतकमा विशाल भट्टराईलाई नियुक्त गरिएको छ ।
प्रधानमन्त्री एवम् नेकपा ओली समूहका अध्यक्ष केपी शर्मा ओलीले आज नेकपाको दाहाल–नेपाल समूहका नेता गुरुङलाई हटाएर आफ्नो समूहका भट्टराईलाई प्रमुख सचेतक बनाएका हुन् ।
प्रधानमन्त्री ओलीले संसदीय दलको सचेतकमा भट्टराईलाई नियुक्त गरेको नेकपा संसदीय दलका उपनेता सुवास नेम्वाङले जानकारी दिए ।
शुक्रवार प्रदेश १ का सांसदहरूसँगको छलफलमा प्रधानमन्त्री एवम् नेकपा संसदीय दलका नेता ओलीले आफूले नेता गुरुङलाई धन्यवाद दिँदै विशाल भट्टराइलाई नियुक्त गरेको उपनेता नेम्वाङले बताए।
पार्टीको संसदीय दलको नेताले प्रमुख सचेतक छान्ने व्यवस्था रहेको छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
