४ मंसिर २०८१, मंगलवार
२०७७ फाल्गुन २१ गते, शुक्रबार १५:४९ मा प्रकाशित
सरकार र नेत्रविक्रम चन्द ‘विप्लव’ नेतृत्वको नेपाल कम्युनिष्ट पार्टीबीच भएको तीनबुँदे सहमित पत्रमा आज हस्ताक्षर भएको छ।
सरकारका तर्फबाट गृहमन्त्री रामबहादुर थापा बादल र विप्लवका तर्फबाट खड्ग विश्वकर्माले सहमति पत्रमा हस्ताक्षर गरेका हुन्।
आज काठमाडौंको राष्ट्रियसभा गृहमा एक विशेष समारोहबीच सहमति पत्रमा हस्ताक्षर भएको हो।
बिहीबारको मन्त्रिपरिषद् बैठकले सरकारी वार्ता टोली र विप्लव समूहबीच भएको तीनबुँदे सहमति अनुमोदन गरेको थियो।
सरकारी र विप्लव समूहको वार्ता टोलीबीच हिंसा छाडेर शान्तिपूर्ण राजनीतिमा आउने, सरकारले प्रतिबन्ध फुकुवा गर्ने, नेता कार्यकर्ता रिहा गर्न गर्ने लगायतका सहमति भएको थियो ।
सरकारी वार्ता टोलीमा गृहमन्त्री थापा र प्रधानमन्त्रीका परराष्ट्र सल्लाहकार भट्टराई तथा विप्लव नेकपाको टोलीमा खड्गबहादुर विश्वकर्मा र दीपक चलाउने थिए।
हिंसात्मक गतिविधिमा संलग्न रहेको भन्दै सरकारले २०७५ को फागुन २८ मा विप्लव नेतृत्वको नेकपामाथि प्रतिबन्ध लगाएको थियो।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
