कर्णालीका प्रदेशका तीन मन्त्रीले दिए राजीनामा

होमल्याण्ड खबर

२०७७ चैत्र २४ गते, मंगलवार १३:३६ मा प्रकाशित

कर्णाली प्रदेश सरकारका तीन जना मन्त्रीले राजीनामा दिएका छन् । अर्थ तथा योजनामन्त्री प्रकाश ज्वाला, सामाजिक विकासमन्त्री दल रावल र उद्योग, पर्यटन, वन तथा वातावरणमन्त्री नन्दसिंह बुढाले राजीनामा दिएका हुन् ।

तीनै जनालाई भर्खरै राजीनामा बुझाएको उद्योगमन्त्री नन्दसिंह बुढाले जानकारी दिए । राजीनामा दिएका तीनै जना नेपाल कम्युनिष्ट पार्टी (एमाले) वरिष्ठ नेता झलनाथ खनाल र माधवकुमार नेपाल पक्षका हुन् ।

यसअघि चैत ४ गते बसेको एमाले संसदीय दलको बैठकबाट नै सरकारलाई दिएको समर्थन फिर्ता लिइएको घोषणा गरे पनि उनीहरूले राजीनामा दिएका थिएनन् ।

एमालेका तीन मन्त्रीले राजीनामा दिएपछि माओवादी केन्द्रबाट मुख्यमन्त्री बनेका महेन्द्रबहादुर शाहीको सरकार अल्पमतमा परेको छ । कर्णाली प्रदेशमा कुल ४० मध्ये नेकपा एमालेका २०, माओवादी केन्द्रका १३, नेपाली कांग्रेसका ६ र राष्ट्रिय प्रजातन्त्र पार्टीका एक जना सांसद रहेका छन् ।
कर्णाली प्रदेशमा सरकारलाई बचाइ राख्न वा नयाँ सरकार गठनका लागि २१ जना प्रदेशसभा सदस्यको बहुमत आवश्यक पर्दछ ।

सम्बन्धित खबर

रास्वपाको केन्द्रीय समिति बैठक बस्दै

ऊर्जामन्त्री खड्का र विश्व खाद्य संगठनका प्रतिनिधिबीच भेटवार्ता

दुर्गा प्रसाईं भक्तपुरबाट पक्राउ

स्थानीय तह उपनिर्वाचन : उम्मेदवारको नामावली प्रकाशन आज

प्रधानमन्त्रीद्वारा पूर्वसभामुख ढुङ्गानाप्रति श्रद्धाञ्जलि अर्पण

मुख्यसचिव अर्यालले दिए राजीनामा