असन्तुष्टलाई समेट्न खोजेँ, तर उनीहरु एकताप्रति इमानदार देखिएनन् : प्रधानमन्त्री अाेलि

होमल्याण्ड खबर

२०७८ बैशाख १० गते, शुक्रबार १४:३४ मा प्रकाशित

प्रधानमन्त्री एवं नेकपा एमालेका अध्यक्ष केपी शर्मा ओलीले पार्टीका असन्तुष्ट पक्षहरुलाई आफूले समेटेर अगाडि बढ्न खोजेको भए पनि असन्तुष्ट पक्ष पार्टी एकताप्रति इमानदार नभएको बताएका छन् ।

आज शुक्रबार प्रधानमन्त्री निवास बालुवाटारमा बसेको एमालेको दशौं राष्ट्रिय महाधिवेशन आयोजक कमिटीको बैठकमा माधवकुमार नेपाल र योगेश भट्टराईलाई भेटेर गरिएका कुराहरुबारे ब्रिफिङ गर्दै ओलीले नेता नेपाल र भट्टराईले पार्टीलाई एकताबद्ध बनाउने सन्दर्भमा कुनै चासो नदिएको बताएका हुन् ।

‘माधव नेपाल र योगेश भट्टराई लगायत नेताहरुसँग मेरो भेटघाट भयो । तर, साथीहरुको पार्टी एकताबद्ध बनाउन कुनै पहल, महसूस र अनुभूति देखिदैन,’ अध्यक्ष ओलीले बैठकमा भनेका छन् ।

आफू लचिलो भएर आएको र दुई कदम पछाडि, एक कदम अगाडि बढेर हिँड्नु पर्छ भन्ने लेनिनको शैली अपनाउन तयार हुँदा पनि असन्तुष्ट पक्षले पार्टी एकताबद्ध बनाउन कुनै पहल, महसुस र अनुभूति नदेखाएको ओलीको भनाइ छ ।

सम्बन्धित खबर

समानुपातिकतर्फ ५१ दलले कटाएनन् ‘थ्रेस होल्ड’

सुनको मुल्य तोलाको दुई हजारले बढ्यो

सुर्खेतमा १६ वर्षीया किशोरीको बलात्कारपछि हत्या, चार जना पक्राउ

रास्वपाले कटायो समानुपातिकमा ५० लाख, अन्य दलको कति?

गोरखा- १ मा सुधन गुरुङको दोब्बर मतको अग्रता कायमै

जाँचबुझ आयोगले सरकारलाई प्रतिवेदन बुझायो