२९ फाल्गुन २०८२, शुक्रबार
२०७८ भाद्र ३१ गते, बिहीबार १४:२४ मा प्रकाशित
बागमती प्रदेशकी मुख्यमन्त्री तथा नेकपा एमालेका उपाध्यक्ष अष्टलक्ष्मी शाक्यले पार्टीबाट जारी १२औँ अन्तरपार्टी निर्देशन अपानि अक्षरशः पालना गरेर जानुपर्ने बताएकी छन् । बिहीबार काठमाडौं जिल्लाको भेलालाई सम्बोधन गर्दै उनले ०७५ जेठ २ मा रहेको जिम्मेवारीलाई मानेर अघि बढ्नुपर्ने बताइन् ।
“अपानी १२ जारी भइसकेको छ । मेरो सम्पूर्ण कमरेडहरुलाई, खासगरी नेतृत्व तहको कमरेडलाई मेरो अनुरोध छ । जारी भएको अन्तरपार्टी निर्देशनको अक्षरशः पालना गरौँ । त्यसमा जालझेल, षड्यन्त्र आवश्यक छैन्,” उनले भनिन्, “०७५ जेठ २ मा जे भनिएको छ, जो आउँछ, त्यसलाई नेतृत्व मानेर अघि बढौँ ।”
उनले अपानि पालना गरेर त्यसैअनुसार कमिटी गठन गरेर जानुपर्ने बताइन् । हिजोको पूर्वाग्रह, मनमुटावलाई भुलेर मन फराकिलो बनाउन आवश्यक रहेको उनले उल्लेख गरिन् ।
नेतृ शाक्यले अब प्यानलगत चुनाव गर्न नहुने पनि बताइन् । नवौं महाधिवेशनमा दुईवटा प्यानल बनाएर लडेको र एउटा जित्दा अर्कोले हारेपछि गुटबन्दी भएको शाक्यले बताइन् ।
पार्टीमा पछिल्लो समय विचारमा पनि विचलन आएको उनले बताइन् ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
