तिहारअघि सबै जिल्लाको वडा अधिवेशन सक्ने कांग्रेसको तयारी

होमल्याण्ड खबर

२०७८ कार्तिक ९ गते, मंगलवार १२:१८ मा प्रकाशित

नेपाली कांग्रेसको १४ औं महाधिवेशनअन्तर्गत वडा अधिवेशन नै नभएका जिल्लाहरूमा तिहारअघि नै वडा अधिवेशन सम्पन्न गर्ने तयारी थालिएको छ । मंसिर ९ गतेदेखि १३ गतेसम्म हुने भनिएको महाधिवेशन प्रभावित हुने निश्चित भएपनि तल्लो तहको अधिवेशन सुचारु गर्नुपर्नेमा शीर्ष तहमा छलफल थालिएको हो । प्रधानमन्त्रीसमेत रहेका सभापति शेरबहादुर देउवाले आइतबार पाँचथर पुगेर ‘महाधिवेशन २-४ दिन यताउयता हुनसक्ने’बताएका थिए ।

१३ जिल्लामा कांग्रेसको वडा अधिवेशनसमेत हुन सकेको छैन । प्रदेश नम्बर २ का ८ जिल्लासहित डोल्पा, सुर्खेत, कैलाली, बाँके र रसुवामा वडा अधिवेशन भएका छैनन् । तीमध्ये रसुवा र रौतहटको क्रियाशील सदस्यतासमेत टुंगो लाग्न बाँकी छ । कांग्रेसको केन्द्रीय निर्वाचन समितिले तिहारअघि नै बाँकी जिल्लामा वडा अधिवेशन सक्नेगरी कार्यतालिका बनाउन छलफल सुरू गरेको छ । सोमबार बसेको निर्वाचन समितिको बैठकमा तिहारअघि वडा अधिवेशन सक्नेगरी नयाँ कार्यतालिका ल्याउन सहमति जुटेको छ । यद्यपि पार्टीका पदाधिकारीसँगको छलफलपछि मात्रै नयाँ कार्यतालिकाले आकार पाउने छ ।

निर्वाचन समितिका सदस्य अधिवक्ता सीताराम केसीका अनुसार आज नै शीर्ष नेताहरुसँग परामर्श गरेर नयाँ कार्यतालिका निर्माणको प्रयास भइरहेको छ । ‘अधिवेशन प्रक्रिया सुचारु गर्नेबारे छलफल भएको छ । तिहारअघि सबै जिल्लाको वडा अधिवेशन सक्नेगरी काम थालेका छौं ।

सम्बन्धित खबर

समानुपातिक सांसदको नाम आइतबार निर्वाचन आयोगमा पठाउने एमालेको तयारी

ओलीका पिताको पशुपति आर्यघाटमा दाहसँस्कार गरिँदै, अस्पतालबाट निकालियो शव

इनिशा विक हत्या प्रकरण : दोषीलाई कारबाही नभए देशव्यापी आन्दोलन गर्ने तरुण दलको चेतावनी

अर्थमन्त्री र निजी क्षेत्रका प्रतिनिधिबीच छलफल

बालेनलाई कमल थापाको अफर- ‘हिन्दूराष्ट्र स्वीकारे राप्रपाले दुई-तिहाइ पुर्‍याइदिन्छ’

‘धन्यवाद पत्र’ लिएर बिदा भए निर्वाचन प्रहरी