३० कार्तिक २०८१, शुक्रबार
२०७५ श्रावण १४ गते, सोमबार ०४:५६ मा प्रकाशित
प्रधानमन्त्री केपी ओलीले सरकारविरुद्ध देशी, विदेशी षडयन्त्र भइरहेको दाबी गर्नु भएको छ ।
प्रधानमन्त्री ओलीले डलर, यूरो पठाएर नेपाललाई ध्वस्त पार्ने षडयन्त्र भइरहेको बताउनु भएको छ । उहाँले सरकारले अबैधानिक ढंगबाट हुने आर्थिक कारोबार रोक्ने र कानुन सम्मत अघि बढ्ने पनि स्पष्ट पार्नुभयो ।
नेपाल राष्ट्रिय इञ्जिनियर संगठन र प्रोग्रेसिब इञ्जिनियर प्रोफेशनल एशोसिएशन बीचको एकता घोषणा कार्यक्रममा बोल्दै उहाँले सरकारलाई नियन्त्रणकारीको आरोप लगाएर हुने कुनै पनि षड्यन्त्रलाई सरकारले सफल हुन नदिने दृढता पनि व्यक्त गर्नुभयो ।
कार्यक्रममा बोल्दै नेपाल कम्युनिष्ट पार्टी (नेकपा) का अध्यक्ष पुष्पकमल दाहालले विश्व कम्युनिष्ट आन्दोलनलाई नै नयाँ आयाम दिन तत्कालीन एमाले र माओवादी केन्द्रबीच पार्टी एकता गरिएको दाबी गर्नुभयो । उहाँले चुनाव जित्न र मुलुकलाई समृद्ध बनाउने योजनामा मात्रै दुई पार्टीबीचको एकतालाई नबुझ्न पनि आग्रह गर्नुभयो ।
अध्यक्ष दाहालले सरकार मुलुकलाई समृद्ध बनाउने अभियानमा लागेको उल्लेख गर्दै त्यसमा साथ दिन पनि आग्रह गर्नुभयो ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
