अबको पहिलो प्राथमिकता आर्थिक क्षेत्रको सुधार: प्रधानमन्त्री देउवा

होमल्याण्ड खबर

२०७८ मंसिर १५ गते, बुधबार १३:०२ मा प्रकाशित

प्रधानमन्त्री शेरबहादुर देउवाले आर्थिक क्षेत्रलाई दोस्रो चरणको सुधार आवश्यक भएको बताएका छ्न ।

नेपाल आर्थिक पत्रकार समाज (सेजन)ले राजधानीमा आयोजना गरेको एक कार्यक्रमलाई सम्बोधन गर्दै प्रधानमन्त्री देउवाले कोभिडपछि अबको पहिलो प्राथमिकता आर्थिक क्षेत्रको सुधार भएको बताए । उनले अर्थतन्त्रका लागी विदेशी लगानी भित्र्याउन पनि सहज कानूनी व्यवस्था बनाएको र मुलुकमा आर्थिक गतिविधिहरू बढ्दै गएको पनि बताए ।

उनले आगामी पाँच वर्ष हामीले विकासशीलमा जान तयारीको अवधि पाएको र यसलाई अधिक प्रयोग गरी आगामी १० वर्षभित्र मध्यम आयस्तर भएको मुलुकमा स्तरोन्नति हुने १५औं योजनाको दीर्घकालीन लक्ष्य पूर्तिमा केन्द्रित हुनुपर्ने बताए ।

त्यस्तै विसं २१०० भित्र नेपाललाई समुन्नत राष्ट्रको स्तरमा पुर्याउने दीर्घकालीन सोच पनि मुलुकले बनाएको छ । आज नेपाली नागरिकको प्रतिव्यक्ति आय १२ सय अमेरिकी डलरमात्रै छ, त्यसलाई कैयौं गुणा बढाउनुपर्ने पनि बताए । त्यसका लागि अर्थतन्त्रको गुणात्मक वृद्धि आवश्यक हुन्छ । त्यसमा सरकारको एकल प्रयासले मात्रै सम्भव हुँदैन । निजी क्षेत्र र अन्य सबै सरोकारवालाको संयुक्त प्रयासबाट मात्रै त्यो सम्भव हुने उनले बताए ।

यस काममा हामीलाई विदेशी विकास साझेदारहरूको सहयोग उत्तिकै जरूरी हुन्छ । कोभिड–१९ को दुस्प्रभावबाट अर्थतन्त्रमा निकै गहिरो प्रभाव परेको छ । विगत दुई वर्ष मुलुकको अर्थतन्त्रले निकै अप्ठ्यारो परिस्थिती सामना गर्नुपर्यो, आर्थिक वृद्धि न्यून भयो । तर, आउने दिनहरू सधैं कमजोर हुने छैनन्, सधैं अप्ठ्यारा हुने छैनन् । अहिले हामी थोरै अँध्यारोमा होऔंला तर उज्यालोले हामीलाई पर्खिरहेको छ–उृनले भने । कोभिड–१९ को महामारी नसकिए पनि हामी सामान्य अवस्थातिर आउँदैछौ । अब आर्थिक पुनरूत्थानलाई तीव्रताका साथ अघि बनाउन सरकार प्रतिबद्ध छ । मुलुकमा लगानीको वातावरण अझै सहज बनाउन र व्यवसायको लागत घटाउन सरकारले कुनै कसर बाँकी नराख्ने पनि प्रधानमन्त्री देउवाले बताए।

कार्यक्रमममा अर्थमन्त्री जनार्दन शर्माले चालू खर्च बढी र पुजीगत कम भएको अर्थत्रन्त्र सुधार गर्नुपर्ने बताए । शर्माले नितिगत रुपमा अर्थतन्त्र सुधार गर्नुपर्ने बताए । उनले यसका लागि बिकास ऐनको तयारी भएको बताए । अर्थ मन्त्रालयले अर्थतन्त्र सुधार गर्न विभिन्न तरिकाबाट आवश्यक पहल भइरहेको पनि बताए । उनले हामीसगै भएको साधन श्रोतको परिचालन गर्ने बताए । उनले नेपालीले नै बिजुली खपत बढाउने गरी काम गर्नुपर्ने पनि बताए ।

सम्बन्धित खबर

उद्योगहरूको बिजुली नकाट्ने प्राधिकरण बोर्डको निर्णय

कीर्तिपुरमा जित सुनिश्चित बनाउँदै माओवादी

हिजो सम्भवः नभए पछि रबि लामिछानेलाई आज साँझसम्म काठमाडौं ल्याइने

दुर्गा प्रसाईँलाई सर्वोच्चमा उपस्थित गराइयो

चुडामणिको मुद्दामा विपक्षी झिकाउन सर्वोच्चको आदेश

सर्वोच्चको बोर्डमा कालो रङ छ्यापेकी बिनु यादव प्रहरी नियन्त्रणमा