९ मंसिर २०८१, आईतवार
२०७५ भाद्र ११ गते, सोमबार १४:०९ मा प्रकाशित
बंगलादेशमा आयोजना हुने साफ सुजुकी कप फुटबलमा सहभागिता जनाउने नेपाली राष्ट्रिय फुटबल टोलीको घोषणा भएको छ ।
अखिल नेपाल फुटबल संघ (एन्फा) ले सोमबार बिराज महर्जनको कप्तानीमा २० सदसीय नेपाली टोलीको घोषणा गरेको हो ।
नेपाली टोलीको मुख्य प्रशिक्षक बाल गोपाल महर्जनले छनोट गरेको नेपाली टोलीमा निराजन खड्का र सुमन अर्याल टिममा स्थान बनाउदा जर्ज प्रिन्स कार्की र कमल श्रेष्ठ टिम बाहिरिएका छन् । २९ सदस्यीय टोलीबाट अन्तिम खेलाडीको छनोट गरिएको हो ।
साफ सुजुकी कप बंगलादेशको ढाकामा सेप्टेम्बर ४ बाट सुरु हुनेछ । समूह ‘ए’ मा रहेको नेपालले दोस्रो खेलमा भुटानसंग सेप्टेम्बर ६ मा खेल्नेछ । यस्तै नेपालले अन्तिम खेलमा आयोजक बंगलादेशसंग सेप्टेम्बर ८ खेल्नेछ ।
सेप्टेम्बर १५ सम्म हुने च्याम्पियनसिपको समूहको शीर्ष दुई टोलीले सेमिफाइनलमा स्थान बनाउनेछन् । समूह ‘बी’ मा साबिकको बिजेता भारत, श्रीलंका र माल्दिभ्स रहेका छन् ।
नेपाली टोली –
गोलकिपर : किरणकुमार लिम्बु, विकेश कुथु र एलन न्यौपाने
डिफेन्समा : दिनेश राजवंशी, देबेन्द्र तामाङ, विराज महर्जन, अनन्त तामाङ, आदित्य चौधरी, रोहित चन्द र सुमन अर्याल
मिडफिल्ड : हेमन्त थापा मगर, हेमन गुरुङm विशाल राई, सुनिल वल, सुजल श्रेष्ठ र निराजन खड्का
फरवार्ड : भरत खवास, विमल घर्तिमगर, नवयुग श्रेष्ठ र अन्जन विष्ट
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
