९ मंसिर २०८१, आईतवार
२०७५ आश्विन ९ गते, मंगलवार ११:५० मा प्रकाशित
टी-ट्वान्टी क्रिकेटमा चर्चा कमाएका नेपाली राष्ट्रिय क्रिकेट टोलीका नियमित सदस्य सन्दीप लामिछानले टी-१० क्रिकेट खेल्ने भएका छन् ।
युवा लेग स्पिनर संदिपले युएईमा हुने टी-१० लिग क्रिकेट खेल्ने भएका हुन् ।
आगामी नोभेम्बरमा आयोजना हुने टी-१० लिगका लागि सन्दीप करेला किंग्समा अनुबन्धित भएका छन् । सन्दीपको टिम करेला साबिकको विजेता समेत हो ।
सोमबार भएको अक्सनमा सन्दीपलाई केरलाले अनुबन्धित गरेको हो । सन्दीपको टिममा इंग्ल्यान्डका कप्तान इयान मोर्गन, वेष्ट इन्डिजका क्रिस गेल, केइरन पोलार्ड जस्ता खेलाडी छन् ।
इन्डियन प्रिमियर लिगबाट टी-ट्वान्टी क्रिकेटमा चर्चित बनेका सन्दीपले हालै क्यारेबियन प्रिमियर लिग (सीपीएल) खेलेका थिए । त्यसअघि सन्दीपले क्यानडामा सम्पन्न ग्लोबल टी-ट्वान्टी खेलेका थिए । सन्दीप अफगानिस्तान प्रिमियर लिगका लागि समेत छनोट भइसकेका छन् ।
आगामी नोभेम्बर २३ देखि डिसेम्बर २ सम्म हुने प्रतियोगिता १० ओभरको हुनेछ । यस प्रतियोगितालाई अन्तर्राष्ट्रिय क्रिकेट परिषदले समेत मान्यता दिईसकेको छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
