रामशरण महतको प्रचार टोलीमाथि बम प्रहार, ३ घाइते

होमल्याण्ड खबर

२०७४ मंसिर १ गते, शुक्रबार ०७:५४ मा प्रकाशित

नेपाली कांग्रेस नेता तथा नुवाकोट १ का उम्मेदवार रामशरण महतको चुनाव प्रचार टोलीमाथि नुवाकोटमा बम प्रहार  गरिएको छ ।

चुनावी प्रचारमा जाने क्रममा  ककनी गाउँपालिका–५ डाडाँगाउँमा  शुक्रबार बिहान साढे १० बजे बम प्रहार गरिएको नुवाकोटका प्रहरी प्रमुख वीरेन्द्र बस्यालले जानकारी दिए ।

नेता महत सुरक्षित भएपनि  बम  प्रहारबाट ३ जना  कांग्रेस कार्यकर्ता घाइते भएको बस्यालले बताए। उनका अनुसार एक जनाको अवस्था  गम्भीर छ। घटनास्थल सदरमुकाम विदुरदेखि ४५ किलोमिटर टाढा छ।  ‘घाइतेलाई थप उपचारका लागि काठमाडौं लैजान हेलिकप्टरको व्यवस्था गर्दैछौं,’ एसपी बस्यालले भने।

कसले बम विस्फोटन गराएको हो? भन्ने यकिन हुन सकेको छैन। विस्फोटन गराउनेको खोजबिन भइरहेको उनले बताए।

सम्बन्धित खबर

लैङ्गिक हिंसा रोकथाम गर्न मन्त्रालयको सक्रियता

प्रदेशसभा सदस्य गौचनको निधनप्रति कांग्रेसद्धारा दुःख व्यक्त

रुपन्देहीमा रवि लामिछानेसँग तेस्रो दिन पनि बयान जारी

न्याय सेवाका ५ उपसचिवसहित ४४ अधिकृतको सरुवा

८ करोडको लागतमा त्रिशूलीमा नयाँ पुल निर्माण

आज पनि ह्वात्तै घट्यो सुनको मूल्य, कतिमा हुँदैछ कारोबार ?