९ मंसिर २०८१, आईतवार
२०७५ कार्तिक १२ गते, सोमबार १२:३० मा प्रकाशित
हुलास काठमाडौं रोयल्सले पोखरामा जारी सर्वाधिक पुरस्कार राशीको नमस्ते पोखरा प्रिमियर लिग (पीपीएल) टी–ट्वान्टी क्रिकेटमा लगातार दोस्रो जित निकालेको छ ।
सोमबार भएको खेलमा सन्दीप लामिछानेको विराटनगर टाईटन्सलाई ५ विकेटले हराएर ज्ञानेन्द्र मल्लको काठमाडौंले लगातार दोस्रो जित निकालेको हो ।
पोखरा रंगशालामा विराटनगरले दिएको १५० रनको लक्ष्य काठमाडौंले १९ ओभर २ बलमा पुरा गर्यो । विराटनगरको यो लगातार तेस्रो हार हो ।
काठमाडौंका लागि गौरव तोमारले ६६ रनको अर्धशतकीय इनिङस खेले ।
यसअघि टस जितेर पहिले ब्याटिङ गरेको विराटनगरले पुरै २० ओभर खेल्दै ७ विकेट गुमाएर १४९ रन बनाएको थियो । उत्कृष्ट सुरुवात गरेको विराटनगरका लागि मोहमद जायदले ६७ रनको अर्धशतकीय इनिङस खेले । यस्तै सुनील धमलाले ३० रन जोडे । जायद र सुनिलले पहिलो विकेटको लागि ६६ रनको साझेदारी गरेका थिए ।
त्यस्तै राजेश पुलामी मगरले ३० रन जोडे । काठमाडौका लागि शुसन भारी, बसन्त रेग्मी र गौरव तोमारले २/२ विकेट लिए ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
