९ मंसिर २०८१, आईतवार
२०७५ कार्तिक २६ गते, सोमबार १३:१६ मा प्रकाशित
यसै सिजन स्पेनिस क्लब रियाल मड्रिडबाट इटालियन सिरी ‘ए’को क्लब युभेन्टस सरुवा भएका क्रिष्टियानो रोनाल्डोले आइतबार राति एसी मिलानमाथि २–० को जित हासिल गरेको खेलमा एक गोल गर्दै जारी सिजनमा आफ्नो गोलसंख्या ८ पुर्याएका छन् ।
सुरुआती खेलमा गोल गर्न नसकेपछि आलोचित भएका रोनाल्डोको युभेन्टसबाट १२ खेलमा ८ गोल पुगेको छ । रोनाल्डोले खेलको ८१औं मिनेटमा गोल गरे । यसअघि आठौं मिनेटमा गोल गर्दै मारियो मान्डजुकिचले युभेन्टसलाई अग्रता दिलाएका थिए । जितपछि युभेन्टस १२ खेलबाट ३४ अंकसहित सिरी ‘ए’ को शीर्ष स्थानमा यथावत् छ । समान १२ खेलबाट २८ अंक जोडेका नेपोली दोस्रो स्थानमा रहँदा पराजित मिलान २१ अंकसहित पाँचांै स्थानमा छ । एजेन्सी ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
