१२ मंसिर २०८१, बुधबार
२०८१ असार ५ गते, मंगलवार १४:०० मा प्रकाशित
नेकपा एमालेका सांसद रघुजी पन्तले संसद सचिवालयका कर्मचारीले ओभरटाइम काम गरेको सेवा सुविधा कानूनअनुसार पाउनुपर्ने बताएका छन् ।
आज बसेको प्रतिनिधिसभाको बैठकमा बोल्दै सांसद पन्तले संसदका कर्मचारीले कोभिडपछिको कुनै पनि भत्ता नपाउनु अन्याय भएको बताए । साथै उनले सभामुखलाई सहयोग गर्नुपर्ने कर्मचारी बाहिर धर्नामा बस्नु सुखद् नभएको बताए ।
‘संसदका कर्मचारीले कोभिडपछिको कुनै पनि भत्ता पाउनुभएको छैन । उहाँहरूले ओभरटाइम काम गरेको भत्ता अहिलेसम्म पनि नपाउने भन्ने त अन्याय हो नि ! अर्थमन्त्रालय र अन्तका कर्मचारीले पाउने, अनि संसदका कर्मचारीले चाहिँ किन नपाउने ?’, उनले प्रश्न गर्दै भने, ‘आज यहाँ देखिरहेका छौं सभामुखलाई सहयोग गर्न बस्ने कर्मचारीहरु हुनुहुन्न । उहाँहरू बाहिर धर्नामा हुनुहुन्छ । संसद्मा यो दृष्य उपस्थित हुनु आफैंमा दुखद् कुरा हो ।’
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
