१ मंसिर २०८१, शनिबार
२०८१ असार ७ गते, बिहीबार १२:४४ मा प्रकाशित
नेपाली कांग्रेसका महामन्त्री विश्वप्रकाश शर्माले उपप्रधान तथा गृहमनत्री रवि लामिछानेमा नैतिकताको खडेरी परेको टिप्पणी गरेका छन्। सहकारी प्रकरणमा संसदीय बिशेष छानबिन समिति बन्दा पनि राजीनामा नदिएपछि नैतिकताको प्रश्न उठेको बताए।
महिला संघको कार्यक्रमलाई सम्बोधन गर्दै उनले भने, ‘अहिले नैतिकताको खडेरी परेको छ, नयाँ दल आउँदैगर्दा त हामीलाई प्रश्न गरिनुपर्ने, संसदीय छानविन समिति बन्यो, कुनैबेला समिति बन्दै गर्दा डा. रामशरण महत, जनार्दन शर्माले राजीनामा दिनुभयो। अहिले पनि समिति बनेको छ तर गृहमन्त्रीले राजीनामा दिनुभएन। म राजीनामा माग्न उभिएको छैन।’
उनले कांग्रेसले गृहमन्त्रीको राजीनामा नमाग्ने पनि बताए।
उनले थपे, ‘हामी जान्दछौं नयाँ दलको डिसनेरिमा प्रश्न र आवेग छ के गरौंला भन्ने उर्जा पनि छ। तर, आवेग र आक्रोश भएजस्तै नैतिकता छ कि छैन हामी सोध्न चाहँदैनौं। जसको डिसनेरिमा नैतिकता छ कि छैन भनेर त्यही पार्टीभित्र प्रश्न उठेको छैन। कांग्रेस अगाडि उभिएर राजीनामा दिनुस् भन्दै भन्दैन।’
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
