राप्रपाले गर्‍यो जिल्ला अधिवेशनको कार्यविधि २०८१ संशोधनसहित पारित

होमल्याण्ड खबर

२०८१ असार १८ गते, सोमबार १०:१८ मा प्रकाशित

राष्ट्रिय प्रजातन्त्र पार्टी (राप्रपा) अर्ली अधिवेशनतिर लागेको छ । पार्टी अध्यक्ष राजेन्द्र लिङ्देनको अध्यक्षतामा आइतबार बसेको राप्रपा केन्द्रीय कार्यसम्पादन समितिको बैठकले जिल्ला अधिवेशनको कार्यविधि, २०८१ संशोधनसहित पारित गरिएको हो ।

यसअघि बसेको राप्रपा केन्द्रीय समितिको बैठकले आगामी २०८२ वैशाखभित्र सबै जिल्लाको जिल्ला अधिवेशन सम्पन्न गर्ने निर्णय गरेको थियो । आइतबार बसेको कार्यसम्पादन समितिको बैठकले स्थानीय तहको आगामी निर्वाचनलगायतका निर्वाचनहरुलाई ध्यान दिई पार्टीको सबै तहको निर्वाचन चाँडो गर्ने तयारी गरेको हो ।

अधिवेशनको कार्यविधिमा वडा तहदेखि जिल्ला तहको अधिवेशन गर्न निर्वाचन तालिका समेत समावेश गरिएको छ । बैठकले केन्द्रीय निर्वाचन समिति ९ सदस्यीय रहने निर्णय गरेको छ । यस्तै जिल्ला निर्वाचन समितिको संयोजक जिल्ला कार्यसमितिको सिफारिसमा केन्द्रीय निर्वाचन समितिले तोक्ने निर्णय पनि गरिएको छ ।

यस्तै राप्रपाले किसानलाई सहज र सरल ढंगबाट रासायनिक मल, बिऊबिजन उपलब्ध गराउन सरकारको ध्यानाकर्षण गराएको छ ।

सम्बन्धित खबर

कीर्तिपुरमा जित सुनिश्चित बनाउँदै माओवादी

एनपीएलः वेष्ट इन्डिजका चाडविक वाल्टन नेपाल आइपुगे

हिजो सम्भवः नभए पछि रबि लामिछानेलाई आज साँझसम्म काठमाडौं ल्याइने

दुर्गा प्रसाईँलाई सर्वोच्चमा उपस्थित गराइयो

चुडामणिको मुद्दामा विपक्षी झिकाउन सर्वोच्चको आदेश

सर्वोच्चको बोर्डमा कालो रङ छ्यापेकी बिनु यादव प्रहरी नियन्त्रणमा