१ मंसिर २०८१, शनिबार
२०८१ असार २५ गते, सोमबार १४:४३ मा प्रकाशित
नेकपा (एमाले) का सांसद ठाकुरप्रसाद गैरेले प्रधानमन्त्री पुष्पकमल दाहाल ‘प्रचण्ड’ सरकार अल्पमतमा परेकाले नयाँ सरकार गठनमा सहजता प्रदान गर्न आग्रह गरेका छन् । सोमवार प्रतिनिधि सभा बैठकमा बोल्दै उनले सो आग्रह गरेका हुन् ।
प्रधानमन्त्रीले नयाँ सरकार बन्न नदिनका लागि संविधानमा प्वाल खोजिरहनुभएको उनले टिप्पणी गरे । ‘प्रधानमन्त्रीले नयाँ बन्ने सरकारलाई अस्थिरता, विभाजन र बेथितितिर लैजान सकिन्छ कि भनेर प्रयास गरिरहेको बताए । उनले बहुमत गुमाएपछि सरकारमा एक सेकेण्ड बस्न नैतिक आधार नरहने भन्दै कुनै धारा वा उपधारा नखोज्न आग्रह गरे ।
उनले भने, ‘सरकारको कुरा के गर्नु, हामीले बेला–बेलामा सुन्दै आएको, पढ्दै आएको आज पनि उद्धरण हुँदैगरेको कुरा रोम जलिरहेका बेला राजा निरोले बाँसुरी बजाएर बसेको भनेजस्तै देशमा सरकार घोर अल्पमतमा परेको छ । तर बाँसुरी बजाइरहेको छ ।’
सरकार घोर अल्पमतमा परेको छ, यस्तो पनि हुँदोरहेछ कहिले–कहिले भनेर गीत गाएर बसिराखेको छ । बरु उडायो सबै सपनाहरु हुरीले भन्ने गीत गाए हुने उनले भने, ‘आज देशमा यो तहको परिस्थिति बनिरहेको बेला प्रधानमन्त्री ज्यू धारापानी खोज्दै हुनुहुन्छ । संविधानमा प्वाल खोज्दै हुनुहुन्छ । सरकारलाई अस्थिरतातर्फ, बेथितितर्फ, विभाजनतर्फ लैजान सकिन्छ कि भनेर प्रयत्न गर्दै हुनुहुन्छ ।’
देशमा उत्पन्न भएका समस्या समाधान गर्न लोकतान्त्रिक शासन व्यवस्थामा सरकार अल्पमतमा परिसकेपछि, सरकारले बहुमत गुमाएपछि कुनै धारा, उपधारा खोज्नुपर्ने कुनै कारण नभएको उनको भनाइ छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
