कांग्रेस–एमालेबीच भएको सहमति अनुसार नै सरकार अघि बढेको छ : मन्त्री सिंह

होमल्याण्ड खबर

२०८१ भाद्र १० गते, सोमबार १३:५८ मा प्रकाशित

उपप्रधान एवं सहरी विकासमन्त्री प्रकाशमान सिंहले सरकार गठनका बेला कांग्रेस–एमालेबीच भएको सहमति अनुसार नै सरकार अघि बढेको बताएका छन् ।

नेपाल महिला सङ्घकी संस्थापक अध्यक्ष एवं महिला नेतृ मङ्गलादेवी सिंहको मृति दिवसका अवसरमा काठमाडौंको शोभा भगवतीमा रहेको मङ्गलादेवीको सालिकमा माल्यार्पण गर्दै सिंहले यस्तो बताएका हुन् । उनले जनतालाई सुशासन दिने सवालमा सरकार गम्भीर भएर अघि बढेको धारणा राखे ।

आवश्यकता अनुसार संविधान सशोधन हुने उनको भनाइ छ । उनले अहिले संविधानमा रहेको समावेशी, समानुपातिक प्रतिनिधित्व र नीतिगत तहमा महिला प्रतिनिधित्व मङ्गलादेवीकै नेतृत्वमा भएको आन्दोलनको उपलब्धि भएको उल्लेख गरे ।

कार्यक्रममा मङ्गलादेवी फाउन्डेसनको अध्यक्ष सिर्जना सिंहले मङ्गलादेवी महिलाका लागि प्रेरणा श्रोत रहेको जनाउँदै उनले नेपाली महिला आन्दोलनमा दिएको योगदान अतुलनीय रहेको बताए ।

सम्बन्धित खबर

फेरि संसद विघटन गर्ने कोसिस हुन सक्छ : प्रचण्ड

प्रधानमन्त्री पहिले चीन जानु अपरिपक्वताको प्रमाण : प्रचण्ड

दार्चुला जीप दुर्घटना : आठ जनाको मृत्यु

आज पनि ह्वात्तै घट्यो सुनको मूल्य, कतिमा हुँदैछ कारोबार ?

आत्मसमीक्षासहित अब कहिल्यै नझुक्किने प्रण गरेको छु : बाबुराम भट्टराई

सांसद दीपक मनाङेलाई सीआईबी लगियो