कांग्रेस-एमालेसँग सत्ताको हिस्सेदारी माग्न आउने छैन : प्रचण्ड

होमल्याण्ड खबर

२०८१ भाद्र ११ गते, मंगलवार १५:३७ मा प्रकाशित

नेकपा माओवादी केन्द्रका अध्यक्ष पुष्पकमल दाहाल प्रचण्डले आफू सत्ताको खेलमा नलाग्ने घोषणा गरेका छन्। मंगलबार प्रतिनिधिसभा बैठकमा बोल्दै उनले कांग्रेस-एमालेसँग सत्ताको हिस्सेदारी नमाग्ने बताए।

‘म कांग्रेस-एमालेका साथीहरूलाई रोष्ट्रमबाटै सम्बोधन गर्न चाहन्छु। प्रचण्ड अब सत्ताको खेलमा लाग्नेछैन, कांग्रेस-एमालेसँग सत्ताको हिस्सेदारी माग्न आउने छैन।’ उनले भने, ‘सरकार छाड्न पर्दा माओवादी घाइते छैन झन् उन्मुक्ति महसुस भएको छ। अब हाम्रो प्राथमिकता सरकार होइन आन्दोलन र खबरदारी हो।’

उनले कांग्रेस-एमालेलाई झगडा गरेर आफूलाई बीचमै फकाउन र फुर्क्याउन नआउन पनि आग्रह गरे। उनले आफूमाथि अस्थिरताको आरोप लगाइएको भन्दै त्यसको खण्डन गरे। ‘प्रचण्ड अस्थिरताको कारक हो भन्ने भाष्य बनाउन निकै मिहिनेत गरियो। मैले एक्लैले ल्याएर ल्याइन्छ अस्थिरता? ३२ सिटको पार्टीले एक्लै फेरेर सरकार फेरिन्छ?

ठूला दलको भूमिका के हो ?’ उनले थपे, ‘यहाँ साथीहरूले कांग्रेस एमालेले पटक-पटक माओवादीले धोका दिएको भन्नुभयो। कांग्रेस र एमालेले माओवादीलाई पटक पटक धोका दिएको हिसाब गर्नुभएको छ ? माओवादीले तपाईँहरूलाई प्रधानमन्त्री बनाएको हिसाबकिताब गर्नुभएको छ?

अनि माओवादीकै सहयोगले राष्ट्रपति, प्रधानमन्त्री, सभामुख, उपसभामुख बनेको हिसाब खै? उनले हनिमुन पिरियड नसकिँदै सरकार गलत ट्र्याकमा हिँडेको भन्दै आफू खबरदारी गर्न संसदमा बोल्नुपरेको प्रष्टीकरण दिए।

सम्बन्धित खबर

फेरि संसद विघटन गर्ने कोसिस हुन सक्छ : प्रचण्ड

प्रधानमन्त्री पहिले चीन जानु अपरिपक्वताको प्रमाण : प्रचण्ड

दार्चुला जीप दुर्घटना : आठ जनाको मृत्यु

आज पनि ह्वात्तै घट्यो सुनको मूल्य, कतिमा हुँदैछ कारोबार ?

आत्मसमीक्षासहित अब कहिल्यै नझुक्किने प्रण गरेको छु : बाबुराम भट्टराई

सांसद दीपक मनाङेलाई सीआईबी लगियो