३० कार्तिक २०८१, शुक्रबार
२०८१ भाद्र ११ गते, मंगलवार १६:०८ मा प्रकाशित
नेकपा (एकीकृत समाजवादी) को वरिष्ठ उपाध्यक्षमा राजेन्द्र पाण्डे निर्विरोध हुनुभएकाे छ ।
अर्का उम्मेदवार घनेन्द्र बस्नेतले उम्मेदवारी फिर्ता लिएसँगै पाण्डे निर्विरोध हुनुभएकाे हाे । यद्यपि निर्वाचन समितिले उम्मेदवारी दर्ताको अन्तिम नामावली सार्वजनिक गर्न बाँकी छ ।
नेकपा (एकीकृत समाजवादी) मा १८ जना पदाधिकारी छान्न आजदेखि चुनावी प्रक्रिया शुरू भएकाे हाे । सर्वसम्मतिको प्रयास असफल भएपछि आजदेखि पदाधिकारी र पोलिटब्युरो सदस्य छान्न चुनाव प्रक्रिया शुरू भएकाे हाे ।
एकीकृत समाजवादीमा अध्यक्ष र महासचिव सर्वसम्मत भएको डेढ महिनापछि अरू पदाधिकारी छान्नका लागि चुनाव हुन लागेको हो । गएको असार २० गते महाधिवेशनको हलबाट अध्यक्षमा माधवकुमार नेपाल र महासचिवमा घनश्याम भुसाल सर्वसम्मत हुनुभएको थियो । त्यस्तै सम्मानित नेतामा झलनाथ खनाल सर्वसम्मत चयन हुनुभएको थियो ।
एकीकृत समाजवादीले तीन सय ४३ सदस्यीय केन्द्रीय कमिटी बनाएको छ । २१ जना पदाधिकारीमध्ये सात उपाध्यक्ष, चार उपमहासचिव र सात सचिव चयन गर्न बाँकी छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
