३० कार्तिक २०८१, शुक्रबार
२०८१ भाद्र १३ गते, बिहीबार १५:५२ मा प्रकाशित
शिक्षा, विज्ञान तथा प्रविधिमन्त्री विद्या भट्टराईले विद्यार्थीको नतिजा कमजोर हुनुको कारण सरकार नै हुने बताएकी छन् । प्रतिनिधिसभा बैठकमा बोल्दै शिक्षामन्त्री भट्टराईले कक्षा १० र कक्षा १२ को नतिजा कमजोर हुनुमा सरकार नै जिम्मेवार हुने बताएकी हुन् ।
सांसद रोशन कार्कीले एसईई र कक्षा १२ को परीक्षाको नतिजामा विद्यार्थीहरू असफल हुँदा त्यसको जिम्मेवारी कसको भन्दै शिक्षा मन्त्रीलाई प्रश्न गरेका थिए । त्यसको जवाफमा मन्त्री भट्टराइले भनिन्, ‘विद्यार्थीहरू असफल हुँदा पूर्ण रूपमा जिम्मेवारी सरकारले लिनुपर्छ ।’
शैक्षिक व्यवस्थापनको जिम्मा लिएको सरकार, त्यसमा संलग्न सरकार नै भएकाले त्यसको जिम्मेवारी सरकारले लिनैपर्ने उनको भनाइ छ । ‘प्रयाप्त शिक्षकको अभावका कारण, तल्लो तहका शिक्षकले माथिल्लो तहमा शिक्षण गर्नुपर्ने अवस्था छ । बोझिलो पाठ्यक्रम । पुरातन परीक्षा प्रणाली । सामाजिक विकासका पक्षलाई भन्दा भौतिक पूर्वाधारलाई विकासको सूचक मान्ने हाम्रो मान्यता । यी सबै विषयहरू न्यून नतिजाका कारण हुन,’ उनले भनिन् ।
कक्षा १० र १२ मा कमजोर नतिजा आउनुमा आधारभूत शिक्षामा उपलब्धी मुलुक सिकाइ नहुनु पनि रहेको उनको भनाइ छ । संसदमा विचाराधीन रहेको विद्यालय शिक्षा विधेयक तुरून्तै पारित गर्न सकियो भने, यसलाई आधार मानेर कार्यान्वयन गर्न सकियो भने शिक्षा क्षेत्रमा सुधार गर्न सकिने उनको भनाइ छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
