डडेल्धुरामा जिप दुर्घटना हुँदा ४ जनाको मृत्यु

होमल्याण्ड खबर

२०८२ भाद्र १२ गते, बिहीबार १०:२७ मा प्रकाशित

 डडेल्धुरामा जिप दुर्घटना हुँदा चार जनाको मृत्यु भएको छ । नवदुर्गा गाउँपालिका–५ को चौडको कच्ची सडक खण्डमा बिहीबार बिहान से १ ज ७३८ नम्बरको जिप दुर्घटना हुँदा चार जनाको घटनास्थलमै मृत्यु भएको प्रहरीले जनाएको छ ।

जिल्ला प्रहरी कार्यालय डडेल्धुराका निमित्त प्रमुख प्रहरी निरीक्षक डम्बर विष्टले ठाडा बजारबाट डडेल्धुरा सदरमुकामतर्फ आइरहेको जिप दुर्घटनामा परेको बताए ।

मृतकको सनाखत हुन सकेको छैन । दुर्घटनाको कारण पनि खुल्न बाँकी रहेको प्रहरीले जनाएको छ । दुर्घटनामा कम्तीमा पनि चार जना घाइते अवस्थामा रहेको भनिए पनि अझै यकिन हुन नसकेको उनले बताए ।

दुर्घटनामा परेर घाइते भएकाहरुको उद्धार कार्य चलिरहेको छ । उनीहरुलाई उपचारका लागि डडेल्धुरा अस्पताल पठाइएको छ ।

उक्त जिप करिब सवा नौ बजेतिर दुर्घटना भएको अनुमान छ ।

सम्बन्धित खबर

सुर्खेतमा १६ वर्षीया किशोरीको बलात्कारपछि हत्या, चार जना पक्राउ

रास्वपाले कटायो समानुपातिकमा ५० लाख, अन्य दलको कति?

गोरखा- १ मा सुधन गुरुङको दोब्बर मतको अग्रता कायमै

जाँचबुझ आयोगले सरकारलाई प्रतिवेदन बुझायो

विजयी र्‍याली नमनाउन रास्वपाको अपिल

अब नयाँ र पुराना दलका संरक्षक म नै हो : नेकपाका संयोजक दाहाल