जेन–जी आन्दोलनका क्रममा ज्यान गुमाउनेहरूको आज सामूहिक शव यात्रा

होमल्याण्ड खबर

२०८२ भाद्र ३१ गते, मंगलवार १३:५३ मा प्रकाशित

भदौ २३ गते भएको जेन–जी आन्दोलनका क्रममा ज्यान गुमाउनेहरूको आज सामूहिक शव यात्रा गरिएको छ ।

टिचिङ अस्पतालको शवगृहमा रहेका शवहरू आज दाहसंस्कारको लागि पठाइएको हो । आफन्तहरूले केही शव बुझिसकेका छन् भने बाँकी रहेका शवको शवयात्रा गरिएको हो ।

मृतकका परिवार, आफन्त, आन्दोलनकर्मी तथा नागरिकहरू शवयात्रामा सहभागी छन् । उनीहरूले मृतकका फोटो, पुष्पगुच्छा र राष्ट्रिय झण्डा बोकेका छन् ।

कतिपयले ‘निःसन्तानलाई के थाहा जेनजीको सपना ?’ लेखिएको कपडाले शरीर छोपेका छन्, जसले आन्दोलनप्रति भावनात्मक आक्रोश झल्काएको छ ।

सरकारले आन्दोलनमा ज्यान गुमाएकाहरुलाई ’शहीद’ घोषणा गर्दै राष्ट्रिय सम्मानका साथ अन्त्येष्टि गर्ने निर्णय गरेको थियो । साथै, असोज १ गतेलाई राष्ट्रिय शोकको दिन घोषणा गर्दै सार्वजनिक बिदा पनि दिने निर्णय गरिएको छ ।

सम्बन्धित खबर

रास्वपाले कटायो समानुपातिकमा ५० लाख, अन्य दलको कति?

गोरखा- १ मा सुधन गुरुङको दोब्बर मतको अग्रता कायमै

जाँचबुझ आयोगले सरकारलाई प्रतिवेदन बुझायो

विजयी र्‍याली नमनाउन रास्वपाको अपिल

अब नयाँ र पुराना दलका संरक्षक म नै हो : नेकपाका संयोजक दाहाल

काठमाडौं निर्वाचन क्षेत्र नम्बर ६ रास्वपाका उम्मेदवार शिशिर खनाल विजयी