२४ फाल्गुन २०८२, आईतवार
२०८२ आश्विन १ गते, बुधबार ११:४७ मा प्रकाशित
ऊर्जा, जलस्रोत तथा सिँचाइ, भौतिक पूर्वाधार तथा यातायात र सहरी विकास मन्त्री कुलमान घिसिङले जेनजी आन्दोलनका शहीद विनोद महर्जनप्रति श्रद्धाञ्जली अर्पण गरेका छन् ।
मंगलबार मन्त्री घिसिङ ललितपुर महानगरपालिका–सुन्धारास्थित महर्जनको घर पुगेका थिए । उक्त अवसरमा उनले शहीद महर्जनको परिवारजनसँग भेट गरी गहिरो समवेदना व्यक्त गरेका हुन् ।
मन्त्री घिसिङले जेनजी आन्दोलनका क्रममा जीवन आहुति दिने सबै शहीदहरूको बलिदानलाई राष्ट्रले सधैं सम्झिने उल्लेख गर्दै न्याय, शान्ति र लोकतन्त्रका लागि गरिएको योगदानलाई उच्च सम्मानका साथ कदर गर्नुपर्ने बताए ।
शहीद विनोद महर्जनको घरमा पुगेको मन्त्रीस्तरीय उपस्थितिले आन्दोलनका परिवारजनलाई थप हौसला र दृढता प्रदान गरेको स्थानीयले बताए ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
