२३ फाल्गुन २०८२, शनिबार
२०८२ कार्तिक २८ गते, बिहीबार १६:१२ मा प्रकाशित
संसदीय समितिले प्रतिनिधिसभा सदस्य निर्वाचन निष्पक्ष र भयरहित वातावरणमा सम्पन्न गराउन सरकारलाई निर्देशन दिएको छ।
बिहीवार सिंहदरबारमा बसेको राष्ट्रियसभा अन्तर्गतको संघीयता सबलीकरण तथा राष्ट्रिय सरोकार समितिले सरकारलाई भयरहित वातावरणमा निर्वाचन सम्पन्न गराउन निर्देशन दिएको हो।
गृहमन्त्री ओमप्रकाश अर्यालसँग समितिले आगामी निर्वाचनको तयारीबारे जानकारी लिएको छ। समितिका तर्फबाट निर्देशन दिँदै एमालेका सांसद तथा समिति सभापति सोनाम गेल्जेन शेर्पाले आगामी निर्वाचन स्वच्छ, निष्पक्षका साथ पूर्ण रूपमा सम्पन्न गर्न प्रहरीको मनोबल उच्च बनाउँदै जेनजी आन्दोलनका क्रममा लुटिएका हतियार संकलन गर्न र हातहतियार लुट्नेको खोजी गरी कारबाही गर्न निर्देशन दिए।
उनले कारागारबाट भागेका कैदीबन्दीलाई पुनः कारागारमा ल्याई मुलुकमा भयरहित वातावरण सिर्जना गर्न नेपाल सरकार र गृहमन्त्रालयलाई निर्देशन दिए।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
