अनलाइनमार्फत वेश्यावृत्तिमा लगाउने अभियुक्त पक्राउ

होमल्याण्ड खबर

२०८२ चैत्र १९ गते, बिहीबार ११:४४ मा प्रकाशित

अनलाइन माध्यम प्रयोग गरी युवतीलाई आर्थिक प्रलोभनमा पारी जबरजस्ती वेश्यावृत्तिमा लगाउने कार्यमा संलग्न एक अभियुक्त पक्राउ परेका छन्। जिल्ला प्रहरी परिसर काठमाडौंका अनुसार बबरमहल क्षेत्रकी २६ वर्षीया (परिवर्तित नाम) पीडित महिलालाई अभियुक्त शिव बहादुर सारूले फोन तथा म्यासेजमार्फत सम्पर्क गरी आर्थिक प्रलोभन दिएका थिए।

घटनाको सूचनाका आधारमा खटिएको प्रहरी टोलीले मिति २०८१ कात्तिक १२ गते पीडित महिलाको उद्धार गरेको थियो। त्यसपछि मिति २०८१ कात्तिक २६ गते प्राप्त जाहेरीका आधारमा मानव बेचबिखन तथा ओसारपसार सम्बन्धी मुद्दा दर्ता गरिएको थियो।

फरार रहेका अभियुक्त सारूलाई खोजतलास गर्ने क्रममा मिति २०८२ चैत १८ गते साउदी अरबबाट फ्लाइ दुबईको उडानमार्फत नेपाल फर्कने क्रममा अध्यागमन कार्यालय, त्रिभुवन अन्तर्राष्ट्रिय विमानस्थलको समन्वयमा पक्राउ गरिएको प्रहरीले जनाएको छ। पक्राउ परेका अभियुक्तलाई काठमाडौं जिल्ला अदालतबाट ३ दिनको म्याद थप अनुमति लिई थप अनुसन्धान भइरहेको प्रहरीले जानकारी दिएको छ।

सम्बन्धित खबर

महान्यायाधिवक्ता कँडेलविरुद्धको रिटमा कारण देखाउ आदेश

आज पनि घट्यो नेप्से

नागरिकको सेवामा खटिनु हाम्रो दायित्व हो : प्रहरी महानिरीक्षक कार्की

ओपीडी सेवा नखुम्च्याउन सरकारलाई कांग्रेस महामन्त्री पौडेलको आग्रह

सरकारी विज्ञापन नीतिविरुद्ध पत्रकार महासंघको देशव्यापी विरोध

आज पनि घट्यो सुनको मुल्य