ट्रम्प प्रशासनले सेना प्रमुख र महान्यायाधिवक्तालाई हटायो

अमेरिकी रक्षा सचिव पिट हेगसेथले सेना प्रमुख र्‍यान्डी जर्जलाई राजीनामा दिन आग्रह गरेका छन्। पेन्टागनका मुख्य प्रवक्ता सीन पार्नेलले सामाजिक सञ्जालमा जारी गरेको एक विज्ञप्तिमा ‘जर्ज अमेरिकी सेनाको ४१ औं प्रमुख स्टाफको रूपमा तुरुन्तै अवकाश लिँदैछन्’ भनी उल्लेख गरेका छन्।

जर्जले पहिलो खाडी युद्धमा र पछि इराक र अफगानिस्तानमा हालैका द्वन्द्वहरूमा पैदल सेना अधिकारीको रूपमा सेवा गरेका थिए। यद्यपि, उनको राजीनामाको कारण स्पष्ट छैन।

रक्षा विभागका एक वरिष्ठ अधिकारीले अब सेनामा नेतृत्व परिवर्तनको समय आएको बताएको बीबीसीले जनाएको छ । अमेरिकी मिडियाका अनुसार, सेनाका उपप्रमुख जनरल क्रिस्टोफर लानेभले उनको स्थानमा कार्यवाहक सेना प्रमुखको रूपमा काम गर्नेछन् ।

ट्रम्पले महान्यायाधिवक्ता पाम बोन्डीलाई पनि पदबाट हटाएका छन्। बोन्डी ट्रम्पको लामो समयदेखि सहयोगी र उनको प्रशासनको बलियो समर्थक रहिआएका छन् । संयुक्त राज्य अमेरिकामा, महान्यायाधिवक्ता राष्ट्रको सर्वोच्च कानून प्रवर्तन अधिकारी हुन् । ट्रम्पले ट्रुथसोसियलमा एक पोस्टमा पाम बोन्डीको प्रशंसा गरे र उनी निजी क्षेत्रमा नयाँ भूमिकामा सर्ने बताए ।