यी हुन् प्रम बालेन नेतृत्वको मन्त्रिपरिषद्का निर्णय (सूचीसहित)

होमल्याण्ड खबर

२०८२ चैत्र २२ गते, आईतवार १६:०० मा प्रकाशित

आज बसेको मन्त्रिपरिषद् बैठकका निर्णयहरू सार्वजनिक भएकाे छ ।

बैठकका प्रमुख निर्णयहरू यस प्रकार छन्-

डिजिटल नेपालका लागि वैदेशिक सहायता स्वीकार: ‘डिजिटल नेपाल ट्रान्सफर्मेसन प्रोजेक्ट’ का लागि एसियाली विकास बैंक र विश्व बैंकले प्रदान गर्ने कूल ९५ मिलियन अमेरिकी डलर (करिब साढे १२ अर्ब नेपाली रुपैयाँ भन्दा बढी) बराबरको सहुलियतपूर्ण ऋण स्वीकार गर्ने निर्णय गरिएको छ।

हप्तामा दुई दिन सार्वजनिक बिदा: अन्तर्राष्ट्रिय बजारमा पेट्रोलियम पदार्थको मूल्यमा भएको वृद्धि र आपूर्तिमा देखिएको असहज अवस्थालाई मध्यनजर गर्दै सरकारले इन्धन खपत घटाउन नयाँ व्यवस्था लागू गरेको छ । आगामी जेठ १ गतेदेखि लागू हुने गरी शनिबार र आइतबार दुई दिन सार्वजनिक बिदा दिने निर्णय भएको छ।

कार्यालय समयमा फेरबदल: बिदा बाहेकका दिनमा सरकारी कार्यालयहरूको समय बिहान ९:०० बजेदेखि बेलुका ५:०० बजेसम्म कायम गरिएको छ। यो नियम शैक्षिक संस्थाहरूको हकमा पनि लागू हुनेछ।

विद्युतीय सवारीमा जोड: वातावरण संरक्षण र इन्धन आयात घटाउनका लागि हाल सञ्चालनमा रहेका डिजेल र पेट्रोल गाडीहरूलाई विद्युतीय गाडीमा रूपान्तरण गर्न आवश्यक पर्ने कानुनी व्यवस्था मिलाउने निर्णय सरकारले गरेको छ।

नयाँ शैक्षिक सत्रको तालिका: शिक्षा क्षेत्रको अन्योल अन्त्य गर्दै आगामी शैक्षिक सत्र २०८३ वैशाख १५ गते देखि सुरु गर्ने निर्णय भएको छ ।

सम्बन्धित खबर

नागरिकको सेवामा खटिनु हाम्रो दायित्व हो : प्रहरी महानिरीक्षक कार्की

महान्यायाधिवक्ता कँडेलविरुद्ध तीन उजुरी,न्यायाधीश रेग्मीको इजलासमा सुनुवाइ हुँदै

गृहमन्त्री सुधन गुरुङले दिए राजीनामा

समाजवाद र साम्यवादका लागि वामपन्थी एकता हुन आजको ऐतिहासिक आवश्यकता हाे : प्रचण्ड

गृहमन्त्री गुरूङसँग प्रधानमन्त्री शाहको लिखित स्पष्टीकरण माग

गृहमन्त्री गुरुङमाथि तत्काल छानबिन गर्न कांग्रेसको माग