वायु प्रदूषणको सूचीमा विश्वकै ‘पहिलो’ स्थानमा काठमाडौं

होमल्याण्ड खबर

२०८३ बैशाख ११ गते, शुक्रबार ११:०४ मा प्रकाशित

काठमाडौंको वायु प्रदूषण अझै ‘अति अस्वस्थकर’ तहमा छ । बिहीबार (वैशाख १०)देखि यहाँको वायु प्रदूषण उच्च छ ।

स्वीट्जरल्यान्डमा मुख्यालय रहेको वायु प्रदूषणको स्तर मापन गर्ने अन्तर्राष्ट्रिय संस्था आईक्यू एयरका अनुसार, प्रदूषित सहरको सूचीमा यति बेला काठमाडौंभन्दा पछाडि भारतको नयाँ दिल्ली (१८९ एक्यूआई) छ । विश्व स्वास्थ्य संगठन (डब्ल्यूएचओ)को मापदण्डअनुसार काठमाडौंको वायु प्रदूषण ‘अति अस्वस्थकर’ सूचीमा रहेको हो ।

एक्यूआई १०१ देखि १५० को वायु बालबालिका, वृद्धवृद्धा र दीर्घरोगीका निम्ति ‘अस्वस्थकर’ हुन्छ । त्यो १५१ देखि २०० सम्म पुगेमा सबैका निम्ति अस्वस्थकर हुन्छ । यस्तै, २०१ देखि ३०० सम्म पुगेमा ‘अति अस्वस्थकर’ र त्योभन्दा माथि भएमा ‘खतरनाक’ बन्दै जाने डब्ल्यूएचओको मापदण्ड छ ।

नेपालको वातावरण विभागका अनुसार पनि भक्तपुर, दाङको देउखुरी, काठमाडौंको रत्नपार्क, ललितपुरका खुमलटार र भैँसेपाटीलगायत स्थानको वायु धेरै अस्वस्थकर छ ।

वायु प्रदूषणबाट विभिन्न स्वास्थ्य समस्या निम्तन सक्छ । वायु प्रदूषणका बेला बिहान र बेलुका घरबाहिर ननिस्कन र निस्कन परे मास्क लगाउन स्वास्थ्य तथा जनसंख्या मन्त्रालयले आग्रह गर्दै आएको छ ।

सम्बन्धित खबर

सुनचाँदीको मूल्य आज पनि घट्यो

थापाथलीका सुकुम्बासीले खाली गर्न थाले बस्ती

सम्पत्ति शुद्धीकरणका महानिर्देशकलाई मन्त्रालय तानियो

महान्यायाधिवक्ता कँडेलविरुद्धको रिटमा कारण देखाउ आदेश

आज पनि घट्यो नेप्से

नागरिकको सेवामा खटिनु हाम्रो दायित्व हो : प्रहरी महानिरीक्षक कार्की