भोलीदेखि कक्षा १२ को परीक्षा

होमल्याण्ड खबर

२०८३ बैशाख १३ गते, आईतवार १५:४५ मा प्रकाशित

यो वर्षको कक्षा १२ को परीक्षा भोली सोमबारबाट सुरु हुँदैछ । परीक्षामा ४ लाख १८ हजार ८ जना विद्यार्थी सहभागी हुँदैछन् । गतवर्षको तुलनामा योवर्ष करिब ९० हजार विद्यार्थी घटेका छन् । गत वर्षसम्म पुरानोकोर्षका विद्यार्थी सहभागी  थिए । त्यसले गर्दा  विद्यार्थी संख्या बढेको पनिकाको भनाई छ ।

 योवर्षको परीक्षामा ५ हजार ३३९ विद्यालयका नियमिततर्फ ३ लाख ३२  हजार १७८ विद्यार्थीले परीक्षा दिँदैछन् । जसमध्ये १ लाख ७२,०१२ छात्र र १ लाख ६० हजार १३७ छात्रा र  अन्य २९० परीक्षार्थीले  सहभागी हुदैछन् । आंशिकतर्फ ५ हजार ८३० परीक्षार्थीहरू सहभागी हुनेछन् ।  यो वर्ष सबैभन्दा कम मनाङमा ३१ र सबैभन्दा बढी काठमाडौँ जिल्लाबाट ६४ हजार ३३ परीक्षार्थी सहभागी हुदैछन्।

यो वर्ष देशभर १ हजार ४२० र जापानमा १ समेत गरी कूल १ हजार ४२१ परीक्षा केन्द्र कायम गरिएको छ ।  सबैभन्दा बढी काठमाडौँ मा १६१ र सबैभन्दा कम मनाङ र मुस्ताङ जिल्लामा १ –१ केन्द्र निर्धारण गरिएको बोर्डले परीक्षालाई मर्यादित व्यवस्थित बनाउन सबै सरोकारवालालाई आग्रह गरेको छ ।  प्रदेशगत रुपमा कोशी ६७ हजार ४९७, मधेस ६२ हजार ११४, बागमती १ लाख २० हजार ४७७, गण्डकीमा ३० हजार ५४६,लुम्बिनी ६९ हजार ४११, कर्णाली ३० हजार ४७९ र सुदूरपश्चिम प्रदेशमा  ३७ हजार ४४५ र जापानमा ३९ जनाले परीक्षा दिँदै छन् । परीक्षालाई व्यवस्थित बनाउन सबै सरोकारवाला निकायलाई बोर्डले अपिल गरेको छ ।

सम्बन्धित खबर

मादुरोको कानुनी शुल्क तिर्न भेनेजुएलालाई अमेरिकाको अनुमति

सुकुम्बासी बस्तीका २१४ परिवार सरकारको सम्पर्कमा

एसईईको नतिजा वैशाखको अन्तिम सातामा आउने

साताको पहिलो कारोबारको दिन सुनको मुल्य बृद्धि

कर्णालीमा विद्यार्थी भर्ना अगावै पुग्यो पाठ्यपुस्तक

मनोहरा सुकुमवासी बस्तीमा घरटहरा भत्काउन सुरु