विद्युत्‌मा भ्याट फिर्ता हुँदैन, उपभोक्तालाई सहुलियत दिन्छौँ : अर्थमन्त्री वाग्ले

होमल्याण्ड खबर

२०८३ जेष्ठ १८ गते, सोमबार १२:१४ मा प्रकाशित

अर्थमन्त्री डा. स्वर्णिम वाग्लेले विद्युत्‌मा लगाइएको भ्याटबाट सरकार पछाडि नहट्ने बताएका छन् ।

उनले अन्तिम उपभोक्तालाई मारमा नपर्ने गरी विभिन्न विकल्पहरूमा छलफल भइरहेको समेत बताए । आगामी साउनदेखि नै अन्तिम उपभोक्तालाई मार नपर्ने गरी विकल्प ल्याइने उनको भनाइ छ ।

नेपाल आर्थिक पत्रकार संघ (नाफिज)ले सोमबार आयोजना गरेको पोस्ट बजेट छलफल कार्यक्रममा बोल्दै उनले भने, ‘विद्युत्‌मा भ्याट आयो, आउँछ, तर उपभोक्तालाई मार नपर्ने गरी हामीले सोचिरहेका छौँ ।’

आगामी आवको बजेटमा ५० युनिटभन्दा बढी विद्युत् खपत गर्ने उपभोक्तालाई कर लाग्ने व्यवस्था आएपछि यसको सर्वत्र आलोचना भइरहेको छ । अर्थमन्त्री वाग्लेले बिजुलीमा भ्याट सरकारले ठूलो आँटका साथ लगाएको उनले बताए । ‘विगतमा कुरा भए पनि कसैले आँट गर्न नसकेको अवस्था थिएन,’ उनले भने ।

उनले यदि सबै नि:शुल्क हुने वा वितरण मात्र हुने हो भने भेनेजुयलाको हालत हुने भन्दै सरकारले उपभोगमा आधारित करमा गएको सुनाए । उनले भने, ‘आयमा आधारित करभन्दा उपभोगमा आधारित करतर्फ अगाडि बढाइएको हो ।’

बजेटले पाँच वर्षका लागि नीतिगत दिशा तय गरेको बताए । उनले भने, ‘गुड आइडिया, असल नियतका साथ अर्थतन्त्रमा इँटा थप्ने काम गर्छौं ।’

सम्बन्धित खबर

सभामुख विपक्षीबाट असुरक्षित, कुटाइ खाने डरले हटाए कुर्सी

विपक्षीको अवरोधपछि प्रतिनिधिसभा बैठक १५ मिनेटका लागि स्थगित

अर्थमन्त्री वाग्लेले भने- तलब वृद्धि २१ प्रतिशत नै हो: अर्थमन्त्री डा. वाग्ले

नेपालले मिचेको भारतीय भूमिको विवरण पेस गर्न कांग्रेसको माग

उपलब्ध सबै प्रतिवेदनहरू सरकारले एकमुष्ट अध्ययन गर्छ : प्रधानमन्त्री शाह

एकैदिन तोला बीस हजार रुपयाँले बढ्यो सुनको मुल्य