विष्णु पौडेलको बन्दीप्रत्यक्षीकरण रिटमा सर्वोच्चद्वारा कारण देखाऊ आदेश

एमाले उपाध्यक्ष तथा पूर्वअर्थमन्त्री विष्णु पौडेलको रिटमा सर्वोच्च अदालतले कारण देखाऊ आदेश जारी गरेको छ ।​​

पौडेलका तर्फबाट पत्नी दोमायाले दायर गरेको बन्दी प्रत्यक्षीकरण रिटमा बिहीबार सुनुवाइ गर्दै न्यायाधीश श्रीकान्त पौडेलको एक इजलासले विपक्षीका नाममा कारण देखाऊ आदेश जारी गरेको हो ।

राजनीतिक प्रतिशोध राखेर बिनाकुनै प्रमाण र आधारमा पौडेललाई पक्राउ गरेएको भन्दै रिटमा रिहाइको माग गरिएको थियो ।

प्रहरीले गत सोमबार​ जरूरी पक्राउ पूर्जी दिएर उनलाई सुर्खेतबाट पक्राउ गरेको थियो ।

मंगलवार विशेष अदालतले जरूरी पक्राउ पूर्जीको समर्थन दिनुका साथै हिरासतमा राखी थप अनुसन्धान गर्न ७ दिनको म्याद दिएको छ ।